मरकुस 7:31 - चम्बयाली नौआ नियम

³¹ फिरी यीशु सूर अते सैदा रे सहर रे नेड़े वाले का निकली करी दिकापुलिस जिले का होई करी गलीली समुन्द्र जो पूज्जे।

मरकुस 7:31 ပူးပေါင်းရင်းမြစ်များ

मत्ती 11:21

लाणत है तुसा पर खुराजीन सहर बिच रैह्णे लोक्कों! लाणत है तुसा पर बैतसैदा सहर बिच रैह्णे लोक्कों! जे चमत्कारी कम्म तुसा बिच कित्ते गे, जे से सूर अते सैदा रे सहर बिच कित्ते जान्दे, तां टाट रे कपड़े लेई करी अते अपणे जिस्म बिच राख मली करी अवसोस करदे अपणे पाप्पां का तौबा करी लित्ते रा होणा थिया।

मत्ती 4:18

जां यीशु गलील री झील का जाया करदे थिये तां तिन्हा ने दो भ्याल, शमौन जिस जो पतरस भी बोलदे, अते तिसेरा भ्याल अन्द्रियास जो झील अन्दर जाल पांदे दिख्खेया किजोकी से मणू मछुआरे थिये।

मत्ती 4:25

इधेरे तांइ यीशु रे पीच्छे मणूआं री इक्क भीड़ गलील जिले, दिकापुलिस, यरुशलेम सहर, यहूदियां ते यरदन दरिया रे पार का चली पेई।

मरकुस 5:20

से मणू जाई करी दिकापुलिस जिले बिच इस गल्ल जो दसणा लग्गेया कि यीशु ने मेरे तांइ कदेय बड्डे कम्म कित्ते ते मते सारे मणू ए सुणी करी हरान हुदें थिये।

मरकुस 7:24

फिरी यीशु ते तिन्हेरे चेल्‍ले गलील प्रदेश का निकली करी सूर अते सैदा सहर रे नेड़े रे इक्क इलाक्के बिच आए ते इक्क घर बिच गे ते से चाह्‍ंदे थिये कि कुसकी जो तिन्हेरे तित्ते आणे रे बारे बिच पता ना लग्गे।

मरकुस 7:30

तिस जनानी ने अपणे घरे जाई करी दिख्खेया कि कुड़ी मन्जे पर पेय री थी, अते दुष्टात्मा निकली गे री थी।