मरकुस 7:26 - चम्बयाली नौआ नियम

²⁶ से यूनानी जनानी सुरिया जिले रे फिनिके कस्बे री थी, तिनिये यीशु रे छन्दे कित्ते की से तिन्हेरी कुड़ी बिच का दुष्टात्मा जो कड्डी दैण।

मरकुस 7:26 ပူးပေါင်းရင်းမြစ်များ

मत्ती 15:22

अते दिख्खो, तिस प्रदेश का इक्क कनानी जनानी आई अते चिंडा मारी के बोलणा लग्गी, ओ प्रभु, दाऊद री संतान, मेरे पर दया करो! मेरी कुड़ी जो दुष्टात्मा बड़ी तंग है करेया करदी।

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

मरकुस 7:25

अते झट ही इक्क जनानी जिसेरी हल्की कुड़ी बिच दुष्टात्मा थी, यीशु रे बारे बिच सुणी करी आई, ते तिन्हेरे पैरां पेई गई।

मरकुस 7:27

यीशु ने तिस जनानी रा विश्वास परखणे तांइ तिस जनानी जो बोल्लेया, “पैल्ले घर रे बच्चेयां जो रजणा दे, किजोकी बच्चेयां री रोट्टी लेई करी कूत्तेयां रे मुहाग्गर पाणा ठीक नी है।” (तिस जमाने बिच यहूदी मणू गैर-यहूदियां जो तुच्छ समजदे थिये)।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।