मरकुस 6:6 - चम्बयाली नौआ नियम

⁶ ते यीशु जो तिन्हा लोक्कां रे घट विश्वास पर हरानी होई, ते से चारो पास्से रे ग्रां बिच भाषण दिंदा फिरदा रेया।

मरकुस 6:6 ပူးပေါင်းရင်းမြစ်များ

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मत्ती 8:10

ए सुणी करी यीशु जो बड़ी हैरानी होई अते जे तिन्हेरे पीच्छे आया करदे थिये तिन्हा जो बोल्लेया, “मैं तुसा जो सच बोलदा कि मैं इस्राएल बिच भी कुसकी इक्क मणू जो नी दिख्खेया जे इस गैर-यहूदी रे बराबर मेरे पर विश्वास करदा हो।”

मत्ती 9:35

तां यीशु अते तिन्हेरे चेल्‍ले गलीली जिले रे मते सारे सहर ते कस्बेयां बिच जाई करी मते सारे सभास्थल बिच उपदेस दिन्दे, परमेश्वर रे राज रे सुब बसेख रा प्रचार करदे, मणूआं री बीमारी अते हर तरह री कमजोरियां जो दुर करदे रे।

मरकुस 1:39

अते से सारे गलील प्रदेश बिच, ते सभास्थल बिच जाई-जाई करी प्रचार करदा ते दुष्टात्मा कडदा रेया।

मरकुस 10:1

फिरी यीशु कफरनहूम कस्बे का उठी करी यहूदियां जिले री सीमा का टप्पी करी यरदन नदी रे पार इक्क जगाह् पर गे। भीड़ फिरी तिन्हेरे का जमा होई गई, अते से हमेसा सांई तिन्हा जो उपदेस दैणे लगे।

लूका 13:22

यीशु ते तिन्हेरे चेल्‍ले सहर-शहर अते ग्रां-ग्रां बिच जाई करी परमेश्वर रे बारे अन्दर उपदेस दिन्दे दिन्दे यरुशलेम जो जाया करदे थिये।

लूका 4:31

फिरी यीशु गलील रे कफरनहूम कस्बे जो गे अते विश्राम दिन पर मणूआं जो उपदेस देया करदे थिये।

लूका 4:44

अते यीशु मणूआं जो परमेश्वर रे राज करणे रा सुब बसेख गलील री बखरी-बखरी जगाह् बिच जाई करी तित्ते री सभास्थल अन्दर सुणादे रे।

यूहन्ना 9:30

उन्निए तिन्हेरे जो जवाब दित्ता, ए तां हैरानी वाली गल्ल है कि तुसा नी जाणदे कि ओ कुते रा है, तां भी तिन्हा ने मेरी हाख्खियां खोल्ली दित्ती

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।