मरकुस 6:34 - चम्बयाली नौआ नियम

³⁴ यीशु ने उतरी करी बड्डी भीड़ दिख्खी, ते तिन्हा पर तरस खाया, किजोकी से तिन्हा भेड़ां सांई थियां, जिन्हेरा कोई रखवाला ना हो, ते से तिन्हा लोक्कां जो मती सारी गल्लां सिखाणा लग्गी पेय।

मरकुस 6:34 ပူးပေါင်းရင်းမြစ်များ

मत्ती 14:14

यीशु जां किस्ती का निकली करी बन्ने आये तां तिन्हा लोक्कां री बड़ी बड्डी भीड़ दिख्खी तिन्हा जो तिन्हा पर बड़ा तरस आया ते तिन्हा ने बमारा जो खरा कित्तेया।

मत्ती 15:32

यीशु ने अपणे चेल्‍लेयां जो अपणे का सद्देया अते बोल्लेया, मेरे जो इस भीड़ पर तरस आन्दा किजोकी ए मणू तीन्न रोज्ज का मेरे कने हिन अते इन्हा का किच्‍छ भी खाणे जो नी है, मैं इन्हा जो भूखा भेजणा नी चाह्‍ंदा, कुदखी इय्यां नी हो कि रस्ते बिच ही अद्ध-मरे होई जाओ।

मत्ती 9:36

अते मणूआं री भीड़ जो दिख्खी करी यीशु जो मणूआं पर तरस आया, किजोकी से उन्हा भेड़ां सांई थक्के रे अते बिखरे रे थिये जिन्हेरा कोई पुहाल नी थिया।

मरकुस 6:33

मते लोक्कां ने यीशु ते तिन्हेरे चेल्‍लेयां जो जादें दिख्खी करी पैह्चाणी लेया, ते मते सारे मणू कस्बे का कठ्ठे होई करी उत्ते पैदल दौड़े ते उन्हेरे का पैल्ले पूज्जी गे।

मरकुस 6:35

जां सांज्ज होणे वाली थी, तां उन्हेरे चेल्‍ले यीशु का आई करी बोलणा लग्गे, “ए सुनसान जगाह् है, ते सांज्ज भी होणे वाली है।

मरकुस 8:1

तिन्हा रोज्जां बिच फिरी जां बड्डी भीड़ जमा होई, अते तिन्हा का किच्‍छ खाणे जो नी बचेया थिया, तां यीशु ने चेल्‍लेयां जो सद्दी करी तिन्हा जो बोल्लेया,

मरकुस 8:2

“मेरे जो इस भीड़ पर तरस आया करदा है, किजोकी ए त्रै रोजां का बराबर मेरे कने हिन, अते अवे इन्हा का किच्‍छ भी खाणे जो नी है।

लूका 9:11

पर मणूआं जो पता लग्गी गेया ते से भी तिन्हेरे पीच्छे चली पे यीशु ने तिन्हेरा सुआगत कित्तेया ते यीशु ने तिन्हा जो परमेश्वर रे राज करणे रे बारे अन्दर दस्सेया अते जे ठीक होणा चाह्‍ंदे थिये तिन्हा मणूआं जो खरा कित्तेया

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।