मरकुस 6:30 - चम्बयाली नौआ नियम

³⁰ प्रेरितां ने हटी करी यीशु रे नेड़े कठ्ठी गे ते जे किच्‍छ तिन्हा ने कित्तेया ते सिखाया थिया, सारा किच्‍छ यीशु जो दस्सी दित्तेया।

मरकुस 6:30 ပူးပေါင်းရင်းမြစ်များ

मत्ती 10:2

इन्हा बारहा खास प्रेरितां रे नां ए हिन, पैल्ला शमौन, जिस जो कि पतरस भी बोलदे अते तिसेरा भाई अन्द्रियास, जब्दी रा निक्का याकूब अते तिसेरा भाई यूहन्ना।

मरकुस 3:14

तां यीशु ने बारा प्रेरितां जो चुणेया कि से तिन्हेरे कने-कने रेह्, ते से तिन्हा जो भेज्जे कि से प्रचार करण।

मरकुस 6:29

ए सुणी करी यूहन्ना रे चेल्‍ले आए, ते उसेरी लास जो लेई गे ते कब्र बिच दब्बी दित्तेया।

लूका 10:17

जिस बेल्ले से बाकि रे सत्तर चेल्‍ले खुसी-खुसी वापस हटी आए तां यीशु जो बोलणा लगे, ओ प्रभु, दुष्टात्मा भी तुसा रे नां कने असा रे हुक्मां जो मन्नेया करदी थी।

लूका 17:5

तां यीशु रे बारा प्रेरितां ने बोल्लेया, प्रभु जी, असा जो विश्वास बिच मजबूत बणाओ।

लूका 22:14

फिरी जां से बेल्ला आया तां यीशु अपणे बारा प्रेरितां कने फसह री धाम खाणे जो बेई गे।

लूका 24:10

से जनानियां मगदला सहर री मरियम, योअन्ना, अते याकूब री मां, मरियम थी अते तिन्हा कन्ने दूज्जी जनानियां भी थिया जिन्हा जे ए गल्लां प्रेरितां जो दस्सी,

लूका 6:13

अगले रोज्जे भ्यागा तिन्हा ने अपणे सारे चेल्‍लेयां जो अपणे नेड़े सद्देया ते तिन्हा बिच का बारह जणेया जो चुणी लेया ते उन्हा जो प्रेरित (यीशु मसीह यीशु के धर्म प्रचारक, समाचार प्रचारक) नां दित्तेया गेया,

लूका 9:10

जां प्रेरित हटी आए, तां जे किच्‍छ तिन्हा ने कित्तेया थिया, से सब गल्लां यीशु जो दस्सियाँ ते यीशु अपणे चेल्‍लेयां जो तित्ते का छामत-चारे बैतसैदा नां रे सहर बिच लेई गे।

प्रेरितां रे कम्म 1:26

तां तिन्हा ने तिन्हेरे नां री चीठ्ठियां पाई, ते चीठ्ठी मत्तियाह रे नां पर निकली अते से तिन्हा ग्यारह प्रेरितां कने गिणेया गेया।