मरकुस 6:12 - चम्बयाली नौआ नियम

¹² तां उन्हा ने जाई करी प्रचार कित्तेया कि तौबा करो ते परमेश्वर का हटी आओ।

मरकुस 6:12 ပူးပေါင်းရင်းမြစ်များ

मत्ती 11:1

जां यीशु अपणे बारा चेल्‍लेयां जो हुकम देई दैणे का बाद से गलील प्रदेश रे सहरां बिच उपदेस अते प्रचार करणे जो तित्ते का चली गे।

मत्ती 11:20

फिरी यीशु तिन्हा सहरां बिच रैह्णे वाले लोक्कां जो बकणा लगे जित्ते तिन्हा ने बड़े चमत्कार कित्ते थिये, पर तिसेरे बावजूद भी तिन्हा लोक्कां ने अपणे पाप्पां का तौबा नी कित्ती थी ते ना ही परमेश्वर रे रस्ते पर चलणा सुरु कित्तेया थिया।

मत्ती 3:2

“अपणे पाप्पां का तौबा करी लेयो, किजोकी स्वर्ग रा राज नेड़े आई गे रा है।”

मत्ती 3:8

अपणे कम्मां कने साबित करो कि तुसा अपणे पाप्पां का तौबा करी लित्ते री है ते दोबारा पाप्पां बिच मत पैंदे।

मत्ती 4:17

तिस बेल्ले का यीशु ने सुब बसेख रा प्रचार करणा सुरु करी दित्तेया, “पाप्पां का तौबा करी लेयो किजोकी स्वर्ग रा राज नेड़े आई गे रा है।”

मत्ती 9:13

“पर तुसा जाओ अते इस गल्ल रा मतलब समझो, मैं कुर्बानी नी पर रहम चाह्‍ंदा किजोकी मैं भले अते नेक मणूआं जो नी, पर पापियां जो सदणे आये रा ए।”

मरकुस 1:15

ते बोल्लेया, “वक्त पूरा होई गेया, ते परमेश्वर रा राज नेड़े आई गे रा है तौबा करो ते सुब बसेख पर विश्वास करो।”

मरकुस 1:3

“बियाबान बिच इक्क हक्क मारणे वाले री अवाज सुणिदीं, ‘प्रभु रे आणे तांइ अप्पु जो तैयार करो, ते तिन्हेरा रस्ता सीद्दा करो।’”

लूका 11:32

नीनवे रे मणूआं ने भी परमेश्वर रे हिसाब लैणे वाले रोजे अज्ज रे जुग रे मणूआं पर इल्जाम लाणे, किजोकी उन्हा ने योना री गल्लां सुणी करी अपणे पाप का तौबा कित्ती थी, ते अवे तां योना का भी खास कोई इत्ते है।

लूका 13:3

नी पर मैं तुसा जो बोलदा कि जे अगर तुसा अपणे पाप्पां का तौबा ना करो तां तिस्सी तरिक्के कने मुकाए दित्ते जाणे।

लूका 13:5

यीशु ने यरुशलेम रे सबणी मणूआं जो बोल्लेया इदेया किच्‍छ भी नी है तुसा अपणे पाप्पां का तौबा करी लेयो, नी तां तुसा भी तिय्यां ही मरणा।

लूका 15:10

मैं तुसा जो बोलदा, कि इय्यां ही जां कोई मणू पाप्पां जो छड्डी करी परमेश्वर रे रस्ते पर चलणा लग्गी पैन्दा, तां तिसेरे तांइ स्वर्गदूतां रे सामणे उतणी ही खुसियां मनाई जान्दियां।

लूका 15:7

मैं तुसा जो बोलदा, कि इय्यां ही जां कोई मणू अपणे पाप्पां का तौबा करी लिन्दा तां स्वर्ग अन्दर इतणी ही खुसियां मनाई जान्दियां, जितणी कि तिन्हा नढ़िनूए ऐसे धार्मिक मणूआं तांइ नी, जिन्हा जो ए लगदा कि तिन्हा जो मन फिराणे री जरुरत नी है।

लूका 24:47

अते तिन्हेरा नां लेई करी यरुशलेम सहर अते देस-देस रे लोक्कां बिच पाप्पां का तौबा अते माफी पाणे रा सुब बसेख सुणाया जाणा।

लूका 9:6

तां से बाराह् चेल्‍ले तित्ते का निकली करी ग्रां-ग्रां अन्दर जाई करी परमेश्वर रे राज करणे री सुब बसेख रे बारे अन्दर सुणांदे रे ते बिमार मणूआं जो खरा करदे रे

प्रेरितां रे कम्म 11:18

ए सुणी करी, यहूदी विश्वासी चुप रे, ते परमेश्वर री बड़ाई करी के बोलणा लगे, तां परमेश्वर ने गैर यहूदियां जो भी हमेसा री जिन्दगी बिच तांइ अपणे पाप्पां का तौबा करणे ते मसीह यीशु पर विश्वास करणे रा मौक्का दित्ता।

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

प्रेरितां रे कम्म 26:20

पर पैल्ले दमिश्क कस्बे रे, फिरी यरुशलेम सहर रे, ते फिरी तां यहूदियां प्रदेश रे सारे देस रे रैह्णे वालेयां जो ते गैर यहूदी लोक्कां बिच प्रचार करदा रेया, कि अपणे पाप्पां का तौबा करी के परमेश्वर का हटी आओ।

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,