मरकुस 6:11 - चम्बयाली नौआ नियम

¹¹ जिस जगाह् रे मणू तुसा जो ना अपनाण ते तुसा री ना सूणन, उत्ते का जादें ही अपणे तलियां री धूड़ झाड़ सूट्टो ताकि ए तिन्हा लोक्कां रे खलाफ ए गवाई हो कि तिन्हा ने तुसा री गल्ल नी सूणी।”

मरकुस 6:11 ပူးပေါင်းရင်းမြစ်များ

मत्ती 12:36

पर मैं तुसा जो बोलदा मणू री हर इक्क फजूल गल्ल रा हिसाब तिसजो हिसाब-किताब वाले रोज्जे दैणा पैणा।

मरकुस 6:10

ते यीशु ने अपणे चेल्‍लेयां जो बोल्लेया, “जिस कुसी घर बिच जाओ, तां जां तिकर उत्ते का निकली ना जाओ तां तिकर तिस्सी घर बिच ही ठैहरे रेयो।

लूका 9:5

जे तिस ग्रां रे मणू तुसा रे सुब बसेख जो नी मनगे, तां तित्ते का निकलदे बेल्ले अपणे पैरां री धूड़ झाड़ी आयो, ताकि ए तिन्हा पर गवाई होई सको कि से अपणी कित्ते री अप्पु भुगतन

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

रोमियों 2:16

ए सारा किच्‍छ तिस दिन ज़ाहिर कित्तेया जाणा, जां परमेश्वर ने तिस सुब बसेख रे मुताबिक जिसेरा मैं प्रचार करदा, मसीह यीशु रे जरिये लोक्कां रे लुके री गल्लां रा हिसाब लैणा।

रोमियों 2:5

पर किजोकी तुसा ढीठ हिन ते अपणे पाप्पां का तौबा करणे का इन्कार करणे कने तुसा अपणे तांइ बड़ी वरी सजा कठेरेया करदे हिन। किजोकी परमेश्वर रे गुस्सा करणे रा से दिन आया करदा है, जा तिन्हेरा धार्मिक इन्साफ लोक्कां पर ज़ाहिर होणा।

2 पतरस 2:6

तुसा ए भी जाणदे कि परमेश्वर ने बड़े पैल्ले तिन्हा लोक्कां जो गुनेह्गार ठैहराया थिया जे सदोम अमोरा रे सहर बिच रैह्‍न्दे थिये ते जिन्हा ने गलत कम्म कित्ते रे थिये। इधेरे तांइ परमेश्वर ने तिन्हा जो पूरी तरिक्के कने फुक्की दित्तेया कि जां तांइ सिर्फ राख नी बची। इय्यां करणे कने, तिन्हा ने इस गल्ल जाहिर जो कित्तेया कि तिन्हा लोक्कां कने कै होणा जे तिन्हेरा डर नी मनदे।

2 पतरस 2:9

ए सारी चीजां जे परमेश्वर ने पैल्ले रे जमान्ने बिच कित्ते री हिन, ए जाहिर करदी कि प्रभु परमेश्वर ने तिन्हा लोक्कां जो सुरक्षित रखणा जे मणू भक्ति कने भरे री जिन्दगी जिन्दे, ते इस कने ए भी जाहिर हुंदा कि परमेश्वर ने दुष्ट लोक्कां जो अपणे हिसाब-किताब करणे रे दिन तिकर सजा दिंदे रैह्णा।

2 पतरस 3:7

पर परमेश्वर अपणे हुकम कने अब्बे री जमीन ते आसमान जो बचाया करदे हिन, ताकि तिसजो बाद बिच आग्ग कने मुकाई सके। से तिन्हा जो तिस दिन रख्खेया करदे हिन जां तिन्हा ने तिन्हेरे हुकम री ना-फरमानी करणे वाले लोक्कां का हिसाब-किताब लैणा ते तिन्हा जो सजा दैणी।

1 यूहन्ना 4:17

इस कने ही प्यार असा अन्दर सिद्ध होए रा है कि असा जो न्याय वाले रोज्जे हिम्मत हो कि तिन्हा ने असा जो सजा नी दैणी, असी दुज्जेया जो हकीकत बिच प्यार कित्तेया जिय्यां मसीह ने भी इस दुनिया रे लोक्कां कने कित्तेया ते तिसेरे हिसाब कने जिए भी।

यहूदा 1:7

ते ए भी याद करो कि सदोम ते अमोरा नां रे सहरां ते तिन्हेरे नेड़े-तेड़े रे सहरां कने कै होया थिया। तित्ते रे मणू अनैतिक कम्मां बिच पेई गे थिये ते हर तरिक्के री अश्लीलता रे कम्मां कने भरी गेरे थिये इधेरे तांइ परमेश्वर ने तिन्हा जो आग्ग कने तबाह करी दित्तेया। ए सारी गल्लां झूठ्ठे शिक्षकां तांइ इक्क चितौणी है कि तिन्हा जो भी हमेसा तिकर बलणे वाली आग्ग बिच तबाह कित्तेया जाणा।