मरकुस 5:36 - चम्बयाली नौआ नियम

³⁶ से मणू जे गल्लां बोल्लेया करदे थिये तिसजो यीशु ने अनसुणा करी के, सभास्थल रे सरदार याईर जो बोल्लेया, “मत डर सिर्फ विश्वास रख।”

मरकुस 5:36 ပူးပေါင်းရင်းမြစ်များ

मत्ती 17:20

यीशु ने उन्हा जो बोल्लेया, अपणे विश्वास री कमी री वजह कने, किजोकी मैं तुसा जो सच बोलदा, जे तुसा रा विश्वास इक्क सरेयाँ रे दाणे रे बराबर भी हो, तां इस पहाड़ जो बोलगे, इत्ते का घिरी करी उत्ते जा, अते तिन्ने घिरी जाणा तुसा रे तांइ किच्‍छ भी मुस्किल नी होणा।

मत्ती 9:18

जां से तिन्हा कने ए गल्लां करेया ही करदे थिये तां दिख्खो, यहूदी सभास्थल रा इक्क अधिकारी आया अते तिन्हा जो प्रणाम करी के बोलणा लग्गेया “मेरी कुड़ी अब्बे-अब्बे ही मरी, पर तुसा चली करी तिस पर अपणा हत्थ रख्खी दिंगे, तां तिसने जिन्दे होई जाणा।”

मरकुस 5:22

याईर नां रे सभास्थल रे सरदारां बिच का इक्क आया, ते तिन्हेरे जो दिख्खी करी तिन्हेरे पैरां पर पेई गेया,

मरकुस 5:34

यीशु ने तिसजो बोल्लेया, “कुड़िए तेरे भरोसे ने तेरे जो ठीक कित्ता: राजी खुसी जा, ते अपणी इस बीमारी का बची रेय।”

मरकुस 9:23

यीशु ने तिस मणू जो बोल्लेया, “जे तू करी सकदा, इस गल्ल रा कै मतलब है? विश्वास करणे वालेयां तांइ सब किच्‍छ मुमकिन है।”

लूका 8:50

पर जां यीशु ने ए सूणेया तां याईर जो बोल्लेया, बिल्कुल मत डर सिर्फ विश्वास रख्ख तां तिसने बची जाणा

यूहन्ना 11:40

यीशु ने तिसजो बोल्लेया, कै मैं तेरे जो नी बोल्लेया थिया कि जे तू विश्वास करगी, तां परमेश्वर री महिमा जो दिखगी?