मरकुस 5:34 - चम्बयाली नौआ नियम

³⁴ यीशु ने तिसजो बोल्लेया, “कुड़िए तेरे भरोसे ने तेरे जो ठीक कित्ता: राजी खुसी जा, ते अपणी इस बीमारी का बची रेय।”

मरकुस 5:34 ပူးပေါင်းရင်းမြစ်များ

मत्ती 9:2

अते दिख्खो, किच्‍छ मणू अधरंग रे इक्क मरीज जो बाणी वाले मन्जे पर रख्खी करी यीशु रे नेड़े लेई आये तिन्हा ने तिन्हेरा विश्वास दिख्खी करी, तिस अधरंग रे मरीज जो बोल्लेया, “ओ पुत्तर, हिम्मत रख तेरे पाप माफ होई गे।”

मत्ती 9:22

यीशु ने मुड़ी करी तिसजो दिख्खेया अते बोल्लेया, “कुड़िये हिम्मत रख्ख तेरे विश्वास ने तिज्जो ठीक कित्तेया ते से जनानी तिस्सी बेल्ले ठीक होई गई।”

मरकुस 10:52

यीशु ने तिसजो बोल्लेया, “चली जा, तेरे विश्वास करणे री वजह तू ठीक होई गेया अते से उस्सी बेल्ले दिखणा लग्गी पेया।” अते तिन्हेरे पीछे चली पेया।

मरकुस 3:10

किजोकी यीशु ने मते जणेया जो ठीक कित्तेया थिया, इधेरे ताइं जिन्ने मणू बिमार थिये, यीशु जो छुणे ताइं उन्हा पराल्ले पेई चले रे थिये।

मरकुस 5:29

ते तिस्सी बेल्ले तिसेरा खून निकलणा बांद्द होई गेया, ते तिन्हा ने अपणी जिस्म बिच जाणी लेया कि मैं तिस बीमारी का ठीक होई गई री है।

मरकुस 5:33

तां से जनानी ए जाणी करी की मेरे कने कदेया खरा होया, डरदी ते कबंदी होई आई (किजोकी मूसा रे नियम रे हिसाब कने तिस बीमारी वाले मणू समाज बिच नी आई सकदे थिये), ते तिन्हेरे पैरां पर पेई करी तिन्हा कने सारा हाल सच-सच बोल्ली दित्ता।

लूका 17:19

यीशु ने तिसजो बोल्लेया, उठ अते जा, तेरे विश्वास करणे री वजह कने तू कोढ का ठीक होई गेया।

लूका 18:42

यीशु ने तिसजो बोल्लेया, तां ठीक है, तू अवे दिख्खी सकदा अते तेरे विश्वास ने तिज्जो खरा कित्ता

लूका 7:50

पर यीशु ने तिस्स जनानी जो बोल्लेया, तेरे विश्वास दी वजह कने तू बची गई, अव्वे सांती कने घरे चली जा।

लूका 8:48

यीशु ने तिस जनानी रे विश्वास जो दिख्खी करी बोल्लेया, ओ कुड़िए, तेरे विश्वास री वजह कने तेरा छुटकारा होया, अवे सांती कने चली जा।

प्रेरितां रे कम्म 14:9

से पौलुस जो गल्लां करदे सूणेया करदा थिया ते पौलुस ने तिसेरे पास्से ध्यान कने दिख्खेया कि इस बिच ठीक होई जाणे रा विश्वास है।

प्रेरितां रे कम्म 15:33

यहूदा जिस जो बरसब्बास रे नां कने भी जाणेया जांदा थिया ते सीलास ने विश्वासियां कने किच्‍छ रोज सांती कने रैह्णा चाएया, पर यहूदा जिस जो बरसब्बास रे नां कने भी जाणेया जांदा से तित्ते का हटी गेया,

प्रेरितां रे कम्म 16:36

फिरी जेल रे अधिकारी ने ए गल्लां पौलुस जो दस्सी कि सजा दैणे वालेयां ने तुसा जो छड्डी दैणे तांइ भेज्जेया है इधेरे तांइ अवे तुसा बाहर आई जाओ ते सांती कने चली जाओ।

याकूब 2:16

ते तुसा बिच का कोई तिन्हा जो ए बोल्ली करी बिदा करे, “सांती कने जाओ तुसा निग्गे रेयो ते रजी रेयो,” पर तिन्हा जो तिन्हेरे जरुरत री चीजां ना दे तां कै फैदा?