मरकुस 5:24 - चम्बयाली नौआ नियम

²⁴ तां से फिरी यीशु ते तिन्हेरे चेल्‍ले, याईर कने चली पे ते बड्डी भीड़ तिन्हेरे पीच्छे चली पेई, इत्ते तिकर की मणू तिन्हेरे पराल्ले पेया करदे थिये।

मरकुस 5:24 ပူးပေါင်းရင်းမြစ်များ

मरकुस 3:20

तां यीशु अपणे चेल्‍लेयां कने कुसकी रे घरे गे ते तित्ते इक्क इदेइ भीड़ कठ्ठी गई कि से रोट्टी भी नी खाई सके।

मरकुस 5:23

ते ए बोल्ली करी तिन्हेरे बड़े छन्दे कित्ते, “मेरी हलकी कुड़ी मरणे वाली है: तुसा आई तिसेरे पर हत्थ रख्खो की से ठीक होई करी जिन्दी रे।”

मरकुस 5:25

इक्क जनानी थी, जिस जो बारां साल्लां का खून चलणे री बीमारी थी।

मरकुस 5:31

तिन्हेरे चेल्‍लेयां ने यीशु जो बोल्लेया, “तुसां दिखदे हिन की भीड़ तुसा पर पेया करदी है, ते तुसा पुछदे कि मेरे कपड़े कुसने छुए?”

लूका 11:29

जिय्यां जिय्यां मणूआं री भीड़ बधणा लग्गी, तां यीशु तिन्हा जो बोलणा लगे कि इस जुग रे मणू बड़े भरी बुरे हिन, से निशानी तोपदे रैह्‍न्दे पर इन्हा जो योना रे अलावा होर कोई भी निशानी नी दित्ती जाणी।

लूका 12:1

जां हजारां रे साह्बे मणू कठ्ठी गे ते सब इक्क दूज्जे पराल्ले चढ़या करदे थिये, तां यीशु ने पैल्ले अपणे चेल्‍लेयां जो बोल्लेया, कि फरीसी मणूआं रे खमीर का जे कि इन्हेरा कपट है, बची करी रेयो

लूका 19:3

से यीशु जो दिख्णा चाह्‍ंदा थिया पर, बड़े सारे मणूआं री वजह कने से दिख्खी नी थिया पाया करदा, किजोकी से बोणा थिया।

लूका 7:6

यीशु तिन्हा कन्ने चली पे, ते जां से सूबेदार रे घर रे नेड़े पूज्जे तां सूबेदार ने अपणे मित्तरां का ए गलाई भेजया, कि ओ प्रभु जी, तुसा मेरे घरे आणे री तकलीफ मत करो, किजोकी मैं इस जोग्गा नी है, कि तुसा मेरे घरे आण।

लूका 8:42

किजोकी तिसेरी बारह साले री कुड़ी थी, अते से मरणे वाली थी जां यीशु जाया करदे थिये तां मणू इत्तणे थिये कि तिन्हा पर आई पेया करदे थिये

लूका 8:45

यीशु ने तिस्सी बेल्ले पूच्छेया, से कुण ए जिनिये मेरे जो छुत्तेया? जां सबने मन्हा कित्तेया, तां पतरस ने बोल्लेया, ओ मालक, तुसा कने बड़ी बड्ड़ी लोक्कां री भीड़ ए, सारे जणे तुसा पर आई पेया करदे हिन, अवे असी ए किय्यां पता लगाई सकदे कि तुसा जो कुस जणे ने छुतेया?

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।