मरकुस 5:23 - चम्बयाली नौआ नियम

²³ ते ए बोल्ली करी तिन्हेरे बड़े छन्दे कित्ते, “मेरी हलकी कुड़ी मरणे वाली है: तुसा आई तिसेरे पर हत्थ रख्खो की से ठीक होई करी जिन्दी रे।”

मरकुस 5:23 ပူးပေါင်းရင်းမြစ်များ

मत्ती 8:3

यीशु ने अपणा हत्थ बधाई करी के तिसजो छुत्तेया, अते बोल्लेया, मैं चाह्‍ंदा, तू ठीक होई जाए ते से तिस्सी बेल्ले से कोढ़ी ठीक होई गेया।

मरकुस 16:18

तिन्हा ने अपणे हत्थां कने कीड़ेयां जो चुक्की लैणा, अते जे से जैहरील्ली चीज भी पी जान्गे तां भी तिन्हेरा कोई नुक्सान नी होणा, तिन्हा ने बिमारां पर हत्थ रखणा, ते बिमारां ठीक होई जाणा।”

मरकुस 5:24

तां से फिरी यीशु ते तिन्हेरे चेल्‍ले, याईर कने चली पे ते बड्डी भीड़ तिन्हेरे पीच्छे चली पेई, इत्ते तिकर की मणू तिन्हेरे पराल्ले पेया करदे थिये।

मरकुस 6:13

ते तिन्हा ने मते लोक्कां बिच का दुष्टात्मां जो कड्डेया, ते मते सारे बिमारां पर तेल मली करी तिन्हा जो ठीक कित्तेया।

मरकुस 7:32

तां मणू इक्क टौणे मणू जो जे खख्खा भी थिय्या, यीशु का लेई करी आये ते तिन्हेरे छन्दे कित्ते कि अपणा हत्थ तिस मणू पर रखण।

मरकुस 8:23

यीशु तिस अन्ने मणू रा हत्थ पकड़ी करी ग्रां का बाहर लेई आये, अते तिसेरी हाख्खियां पर अपणा थूक्की लाई करी तिस पर हत्थ रख्खे, अते तिसजो पूच्छेया, “क्‍या तू अवे किच्‍छ दिख्खी सकदा?”

लूका 13:13

ते यीशु ने तिसेरे सरा पर हत्थ रख्या, ते तिस्स ही बेल्ले, सीद्दी होई करी से खड़ी गई, ते परमेश्वर री बड़ाई करणा लग्गी पेई।

लूका 4:38

तिस रोज्जे यीशु सभास्थल का निकली करी शमौन रे घरे जो गे शमौन री सस्सू जो बड़ा ताप थिया, अते तिन्हा ने यीशु रे छंदे कित्ते, तुसा इसजो खरा करी देयो।

लूका 4:40

संझा बेल्ले, जिन्हेरे-जिन्हेरे घरां अन्दर मणू नेक-बनेके तरिक्के री बमारियाँ का परेशान थिये, से तिन्हा सबणी जो यीशु का लेई आये ते कन्ने ही ओ मणू भी थिये जिन्हा अन्दर दुष्टात्मा थिया यीशु ने इक्क-इक्क पर अपणा हत्थ रखेया, ते से तिस्सी बेल्ले ठीक होई गे

लूका 7:12

जां से तिस ग्रां रे दुआर का पूज्जे, तां इक्क बड्डी भीड़ मणू इक्क मुर्दे जो दबणे तांइ तिस ग्रां का बाहर लेई चले रे थिये। मरणे वाला जे थिया, से अपणी मां रा इकलौता मुन्डा थिया, अते तिसेरी मां विधवा थी।

यूहन्ना 11:3

अते उसेरी भैण ने तिसजो कहलाई भेजेया, ओ प्रभु, दिख, जिस जो तू प्यार करदे, ओ बिमार है

प्रेरितां रे कम्म 28:8

पुबलियुस रा प्यो बुखार अते आँव-लहू कने बिमार पे रा थिया इधेरे तांइ पौलुस ने तिसेरे कमरे अन्दर जाई करी प्रार्थना कित्ती ते तिस पर हत्थ रख्खी तिसजो खरा करी दित्तेया।

प्रेरितां रे कम्म 6:6

इन्हा जो प्रेरितां सामणे खड़ेरेया ते तिन्हा ने प्रार्थना करी के तिन्हा पर हत्थ रख्खे ताकि से मणू तिस सेवकाई जो करण।

प्रेरितां रे कम्म 8:17

तां पतरस ते यूहन्ना ने तिन्हा लोक्कां पर हत्थ रख्खे ते तिन्हा पर पवित्रात्मा उतरी गेया।

प्रेरितां रे कम्म 9:12

अते तिसजो दर्शन बिच दिखाए रा है कि हनन्याह नां रे इक्क मणू आंदा ते तिसेरे पराल्ले हत्थ रखदा ताकि तिसेरी हाख्खियां री रौसनी ठीक होई जाए।

प्रेरितां रे कम्म 9:17

तां हनन्याह उठी करी शाऊल रे घरे गेया, ते तिस पर अपणा हत्थ रखि करी बोल्लेया, ओ भाई शाऊल, प्रभु यीशु ने मेरे जो भेज्जे रा है, जे तुसा जो रस्ते बिच दिस्से थिये, ताकि तू फिरी दिखि सके ते पवित्रात्मा कने भरी जाए।