मरकुस 5:17 - चम्बयाली नौआ नियम

¹⁷ तां से मणू यीशु का छन्दे करी के बोलणा लग्गे कि हमारे जगाह् का चली जा।

मरकुस 5:17 ပူးပေါင်းရင်းမြစ်များ

मत्ती 8:34

फिरी तां सहर रे सब मणू यीशु का मिलणे तांइ आये जां तिन्हा ने यीशु जो दिख्खेया तां उन्हेरे छन्दे कित्ते कि से उन्हेरे उत्ते का कुदखी होरथी चली जाओ।

मरकुस 1:24

तिनिये चिडं मारी करी बोल्लेया, “ओ नासरत कस्बे रे रैह्णे वाले यीशु, असा जो तुसा रे कने कै काम्म? कै तुसा असा जो खत्म करणे तांइ आए रे हिन? मैं तुसा जो जाणदी कि तुसा कुण हिन? परमेश्वर रे भेज्जे रे पवित्र मसीह!”

मरकुस 5:7

तां यीशु ने तिसजो बोल्लेया, “ओ दुष्टात्मा, इस मणू बिच का निकली आ!” ते जोर कने लेर मारी करी बोल्लेया, “ओ यीशु, परमप्रधान परमेश्वर रे पुत्तर, मेरा तुसा कने कै काम्म? मैं तुसा जो परमेश्वर री सौह् खुआई करी छंदे करदा कि मेरे जो कष्ट मत देयो।”

लूका 5:8

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।

लूका 8:37

ते तित्ते जे किच्‍छ भी होया थिया तिसजो दिख्खी करी गिरासेन इलाके रे रैह्णे वाले मणूआं ने यीशु रे छंदे कित्ते कि तुसा इत्ते का चली जाओ किजोकी ए सब दिख्खी करी से सब डरी गेरे थिये फिरी यीशु किस्ती पर चढ़ी करी झील रे दूज्जे पास्से हटी आये।

प्रेरितां रे कम्म 16:39

ते आई करी से तिन्हा का माफी मंगणा लग्गे, ते बाहर लेई जाई करी छन्दे कित्ते कि से चली जाण।