मरकुस 5:13 - चम्बयाली नौआ नियम

¹³ अते यीशु ने उन्हेरे जो हुकम दित्तेया ते दुष्टात्मा निकली करी सूअरां बिच समाई गेई ते से धण, जे कोई दो हजार रा थिया, ढह्ढा का छाल मारी समुन्द्र बिच जाई पेया ते मरी गेया।

मरकुस 5:13 ပူးပေါင်းရင်းမြစ်များ

मत्ती 7:6

“तिन्हा लोक्कां जो परमेश्वर री गल्लां मत सुणाओ जे मणू सुनणा नी चाह्‍ंदे, किजोकी जे अगर तुसा इय्यां करदे तां ए पवित्तर चीजां कूत्तेयां या सूअरां रे मुहाग्गर सुटणे रे बराबर होणा, जिन्हा तिसजो अपणे पैरां कने मसल्ली करी तुसा पर हमला करणा।”

मत्ती 8:32

“तां यीशु ने उन्हा जो बोल्लेया, चली जाओ!” ते से उन्हा मणूआं का निकली करी सूअरां अन्दर चली गेई फिरी से सारा झुण्ड खड़ी ढलान का रूलकदे-रूलकदे दौड़दे पाणी अन्दर जाई पेया, ते डूब्बी करी मरी गेया।

मरकुस 5:12

दुष्टात्मां ने यीशु का बिनती कित्ती “असां जो उन्हा सूअरां बिच भेजी देयो कि असी उन्हेरे बिच समाई जाण।”

मरकुस 5:14

उन्हेरे चराणे वाले ने नह्सी करी सहर ते ग्रां बिच जाई करी ए खबर सूणाई, ते जे होया थिया मणू तिसजो दिख्खणा आए

यूहन्ना 8:44

तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।

प्रकाशित वाक्य 20:7

जां हजार साल पूरे होई जाणे तां शैतान कैद का छड्डी दित्तेया जाणा। तिनिए तिन्हा जातियां जो जे धरती रे चारो पास्से होणी, मतलब गोग ते मागोग जो जिन्हेरी गिनती समुंदर री रेत जिन्नी होणी, भड़काई करी लड़ाई करणे तांइ कठ्ठा करणे जो निकलणा।

प्रकाशित वाक्य 9:11

तिन्हा जो अपणे काबू बिच चलाणे वाला इक्क राज्जा है। ओ शैतान रा से दूत है जे पताल जो खोलदा। इब्रानी भाषा बिच तिसेरा नां अबद्दोन है, ते यूनानी भाषा बिच तिसेरा नां अपुल्लयोन है, जिसेरा मतलब है, “तबाह करणे वाला।”