मरकुस 4:6 - चम्बयाली नौआ नियम

⁶ ते जां सूर्ज निकलेया तां फुक्की गेया, तां जड़ ना पकड़ने री वजह कने सुकी गेया।

मरकुस 4:6 ပူးပေါင်းရင်းမြစ်များ

मत्ती 13:6

पर जां सूरज निकलेया तां से फुक्कीह् गे, ते जड़ नी पकड़ने री वजह कने से सुकी गे।

मरकुस 4:5

थोड़ा पथरिली जमीन पर पेया जित्ते तिसजो जादा मिट्टी नी मिली ते डूग्गी मिट्टी ना मिलणे री वजह कने तौले उगी पेया,

मरकुस 4:7

किच्‍छ झाड़ियां बिच पे ते झाड़ियां ने बदधी करी से बीह् दब्बी दित्ते, ते से बीह् फली नी सके।

इफिसियों 3:17

मैं प्रार्थना करदा कि तुसा रे दिल मजबूत होई जाण ताकि जिय्यां तुसा मसीह यीशु पर विश्वास करण तिय्यां ही से तुसा रे दिल बिच बसी रैह्ण ते परमेश्वर ते बाकि लोक्कां तांइ तुसा रा प्यार तुसा जो मजबूत बणाई रख्खे।

कुलुस्सियों 2:7

ते मसीह बिच विश्वास रखणे बिच मजबूत बणे रेयो। जिय्यां की तुसा जो सिखाए गे रा है, तिय्यां ही विश्वास बिच मजबूत हुंदे जाओ ते परमेश्वर रा जादा का जादा शुक्रिया करो।

2 थिस्सलुनीकियों 2:10

तिनिये हर तरिक्के रे बुरे कम्म करणे ते तिनिये तिन्हा लोक्कां जो भटकाणा जिन्हा जो परमेश्वर ने नास करणा किजोकी तिन्हा ने मसीह रे सच्चाई रे बसेख जो नी अपणाया जे तिन्हा लोक्कां जो बचाई सकदा थिया।

याकूब 1:11

जिय्यां सूरज उगदे कने ही कड़ी धूप्प पैंदी ते घा जो सुखाई दिंदी, ते तिसेरा फूल्ल झड़ी जादां, ते तिसेरी खूबसुरती मिटी जांदी; तिय्यां ही अमीर मणू ने अपणे कम्मां जो करणे बिच ही मुकी जाणा।

यहूदा 1:12

ए मणू तुसा री मण्डली बिच प्रभु रे प्यार री यादगारी री धाम बिच शामिल हुंदे। से मणू तुसा तांइ इदेय खतरनाक हिन जिय्यां कि समुंद्र बिच लुके री टोल जहाज तांइ हुंदी जिन्हेरी वजह कने जहाज डूब्बी जांदा। से मणू बेशर्म पुहालां सांई हिन जे सिर्फ अपणी ही परवाह करदे। से इदेय बदलां सांई हिन जे हवा कने इत्ते-उत्ते उड़दे पर तिन्हा का कोई बरखा नी हुंदी। से इदेय बूट्टेयां सांई हिन जिन्हा बिच फल्ल नी लगदा ते से जड़ का ही पुट्टी दित्ते गेरे हिन, ते जिन्हेरी दोहरी मौत होए री हो।

प्रकाशित वाक्य 7:16

तिन्हा फिरी कदी भूखे प्यासे नी होणा, तिन्हा ने फिर कदी सूरज कने नी फुकीणा, ते ना ही तिन्हा कड़ाके री धूप बिच तपिणा।