मरकुस 4:31 - चम्बयाली नौआ नियम

³¹ से राई रे दाणे रे साइं है: जां जमीन बिच बोया जादां तां जमीन रे सारेयां दाणेया का छोटा हुंदा,

मरकुस 4:31 ပူးပေါင်းရင်းမြစ်များ

मरकुस 4:30

फिरी यीशु ने बोल्लेया, “असी परमेश्वर रे राज री मशाल कुस कने दैण; ते कुस उदारण कने उसदा बखाण करण?

मरकुस 4:32

पर से बीह् जां बोया गेया, तां से उग्गि करी अपणे इस्राएल बिच मते सारे साग पात का भी बड्डा होई जादां, ते उसेरी इदेइ बड्डी डालियां निकलदी ताकि आसमान रे पखेरु उसेरी छां बिच बसे रा करी सकदे।”

लूका 17:6

प्रभु यीशु ने तिन्हा जो बोल्लेया, जे तुसा रा विश्वास सरेयाँ रे दाणे रे बराबर भी हुंदा, तां तुसा इस शहतुत रे बूट्टे जो बोल्ल गे, कि तू जड़ा का बुट्टि करी समुन्द्रा बिच लग्गी जा, तां तिन्ने तुसा री मन्नी लैणी थी।

प्रेरितां रे कम्म 19:20

ते प्रभु रा वचन जोरो-शोरो कने दुर-दुर तक फैलदा गेया

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 21:20

तिन्हा ने ए सुणी करी परमेश्वर री महिमा कित्ती, फिरी तिसजो बोल्लेया, ओ मेरे भाई तू दिखदा ही है कि यहूदियां बिच का केई हजारां लोक्कां ने विश्वास कित्तेया अते परमेश्वर मूसा रे कानून जो लेई करी बड़े वरी खुस हिन

प्रेरितां रे कम्म 4:4

पर बसेख रे सुनणे वालेयां बिच का मते जणेया ने यीशु पर विश्वास कित्ता, ते तिन्हेरी गिनती लगभग पांज्ज हजार आदमियां तिकर होई गई।

प्रेरितां रे कम्म 5:14

प्रभु बिच विश्वास करणे वाले मते सारे मणू प्रभु री कलीसिया बिच बड़ी वरी गिनती बिच मिलदे रे।

प्रकाशित वाक्य 11:15

जां सत्तमें स्वर्गदूत ने तुरही बजाई, तां फिरी मैं स्वर्ग का इस बारे बड्डी जादा अवाज्जां सूणी, “असां रे परमेश्वर ते तिन्हेरे चुणे रे छुटकारा दैणे वाले मसीह जो ही धरती पर राज करणे रा हक है, ते परमेश्वर ने हमेसा-हमेसा तिकर राज करणा।