मरकुस 4:24 - चम्बयाली नौआ नियम

²⁴ फिर यीशु ने तिन्हा लोक्कां जो बोल्लेया, “होशियार रेयो कि तुसा कै सूणदे, किजोकी जिस नाप कने तुसा नापदे तिसी नाप कने तुसा ताइं भी नाप्पेया जाणा, ते तुसा जो जादा दित्तेया जाणा।

मरकुस 4:24 ပူးပေါင်းရင်းမြစ်များ

मत्ती 7:2

किजोकी जिय्यां तुसा लोक्कां पर इल्जाम लांदे, तिय्यां ही परमेश्वर ने भी तुसा पर इल्जाम लाणा, अते जिस तरिक्के कने तुसा लोक्कां पर इल्जाम लांदे, तिस्सी तरिक्के कने तुसा पर भी इल्जाम लाया जाणा।

मरकुस 9:7

तां इक्क बदल ने तिन्हा जो घेरी लेया, ते परमेश्वर री अवाज आई, “ए मेरा प्यारा पुत्तर है। इसेरी सुणो।”

लूका 8:18

इधेरे तांइ चुकन्ने रेयो कि तुसा कुस हिसाब कने सूणदे? किजोकी जिस का है तिसजो होर भी दित्तेया जाणा ते जिस का नी है, तिसका से भी लेई लित्ता जाणा जिस जो से अपणा समजदा

यूहन्ना 10:16

मेरी होर भी भेड़ां हिन, जे इस गुआड़ री नी हिन मेरे जो तिन्हा जो भी लाणा जरुरी है तिन्हा ने मेरी अवाज सूणनी, तां इक्क ही झुण्ड ते इक्क ही पुहाल होणा।

यूहन्ना 10:27

मेरी भेड़ां मेरी अवाज सुणदी, मैं तिन्हा जो जाणदा, ते से मेरे पीच्छे-पीच्छे चलदी।

यूहन्ना 5:25

ते मैं तुसा जो सच-सच बोलदा कि से बेल्ला आया करदा है बल्कि अब्बे ही है कि जां मरे रे लोक्कां ने मेरी यानी परमेश्वर रे पुत्तर री अवाज जो सुनणा अते जिन्ने जणेया ने सुनणा तिन्हा ने हमेसा तिकर जीणा।

प्रेरितां रे कम्म 17:11

ए मणू थिस्सलुनीके सहर रे मणूआं का जादा ठीक थिये इन्हा ने पूरा मन लगाई करी वचन सूणेया ते हर रोज पवित्रशास्त्र जो उलटदे पलटदे ए जांचदे रे कि पौलुस ने जे गल्लां दस्सी, कै से सच हिन।

2 कुरुन्थियों 9:6

पर गल्ल इदेयी है: कि जिन्ने घट्ट बाणा, तिनिए घट्ट ही कटणा है ते जे जादा बांदा, तिनिए मता बडणा।

इब्रानियों 2:1

इधेरे तांइ, जे किच्‍छ असा जो सिखाए गे रा है, असा जो तिस पर बड़ा ध्यान दैणे री जरुरत है, ताकि असी भटकी ना जाए।

1 पतरस 2:2

जिय्यां कि नौए जम्मे रे बच्चे अपणी मां रे दूद्द जो तोपदे, जे कि इक्कदम खरा हुंदा, तिय्यां ही तुसा जो भी परमेश्वर रे वचन जो सिखणी री चाह्‍त रखणा चाएदी ताकि तुसा आत्मिक तौर पर परिपक्व होई जाओ। तां फिरी आखिर बिच, परमेश्वर ने तुसा जो इस दुनिया री बुरी चीजां का बचाणा।

1 यूहन्ना 4:1

ओ प्यारेयो, हर तिस मणू पर भरोस्सा मत करो जे ए दावा करदे कि असी पवित्रात्मा रे कहे मुताबिक गल्लां करदे। पर आत्‍मा जो परखो कि से परमेश्वर रे पास्से का हिन का नी किजोकी मते सारे झूठ्ठी भविष्यद्वक्ता दुनिया बिच हिन।