मरकुस 3:7 - चम्बयाली नौआ नियम

⁷ यीशु लोक्कां का दुर अपणे चेल्‍लेयां कने गलीली समुन्द्र पास्से चली गे ते तित्ते इक्क बड्डी भीड़ गलील प्रदेश का तिन्हा रे पीच्छे चली पेई।

मरकुस 3:7 ပူးပေါင်းရင်းမြစ်များ

मत्ती 10:23

जां भी से तुसा जो इस सहर बिच तंग करो, तां दूज्जे सहर नह्स्सी जायो किजोकी मैं तुसा जो सच बोलदा इसका पैल्ले तुसा इस्राएल रे सब सहरां बिच जाणा खत्म करो मणू रे पुत्तर जे मैं ही है, ने आई जाणा।

मत्ती 12:15

पर यीशु ए जाणी गे अते तित्ते का चली गे बड़े भरी लोक्की तिन्हेरे पीच्छे चली पेह् अते यीशु ने तिन्हा सबनियां जो खरा कित्तेया,

मत्ती 12:16

अते तिन्हा जो समजाया कि मेरे जो प्रकट मत करदे।

मत्ती 4:25

इधेरे तांइ यीशु रे पीच्छे मणूआं री इक्क भीड़ गलील जिले, दिकापुलिस, यरुशलेम सहर, यहूदियां ते यरदन दरिया रे पार का चली पेई।

मरकुस 1:39

अते से सारे गलील प्रदेश बिच, ते सभास्थल बिच जाई-जाई करी प्रचार करदा ते दुष्टात्मा कडदा रेया।

मरकुस 1:45

पर से बाहर जाई करी इस गल्ल रा बड्डा प्रचार करणे ते इत्ते तक फैलाणा लग्गेया कि यीशु फिरी नगर बिच खुली करी नी जाई सके, पर बाहर सुनसान इलाकें बिच रेया ते चारो पास्से का मणू उस का आन्दे रेय।

मरकुस 3:20

तां यीशु अपणे चेल्‍लेयां कने कुसकी रे घरे गे ते तित्ते इक्क इदेइ भीड़ कठ्ठी गई कि से रोट्टी भी नी खाई सके।

मरकुस 4:1

फिरी यीशु गलीली समुन्द्र रे कनारे उपदेस दैणे लग्गेया ते इदेयी इक्क बड्डी भीड़ उन्हेरे नेड़े इकठ्ठी होई गेई कि से समुन्द्र बिच इक्क किस्ती पर चढ़ी करी बेई गेया, ते सारी भीड़ जमीन पर समुन्द्र रे कनारे खड़ी रेई।

लूका 23:5

पर से होर भी जोर पाणा लगे अते बोलणा लगे, ए सारे यहूदियां बिच मणूआं जो अपणी उपदेस देई करी तिन्हा बिच दंगे करदा है अते ए सब किच्‍छ इन्ने गलील प्रदेश का सुरु कित्तेया थिया।

लूका 6:12

फिरी इक्क रोज यीशु प्रार्थना करणे तांइ पहाड़ पर चढ़ी गे, अते सारी रात परमेश्वर का प्रार्थना करदे रे।

लूका 6:17

जिस बेल्ले यीशु पहाड़ का उतरी करी पधरी जगाह् बिच आई करी खड़े होये तां तित्ते तिन्हेरे चेल्‍ले अते यहूदिया, यरुशलेम, सूर अते सैदा रे सहर रे समुन्द्री इलाकेयां का आए रे मते लोक्कां री बड्डी भीड़ तित्ते आई गई।

यूहन्ना 7:41

दुज्जेया ने बोल्लेया, ए मसीह है पर किच्‍छ ने बोल्लेया, किजो? कै मसीह ने गलील प्रदेश का आणा?

यूहन्ना 7:52

नीकुदेमुस ने यीशु जो जवाब दित्ता, “क्‍या तुसा भी गलील प्रदेश रे हिन? अप्पु ही पवित्रशास्त्र बिच तोप्पि करी समजी जाओ कि गलील प्रदेश का कोई भविष्यद्वक्ता नी बणी सकदा।”

प्रेरितां रे कम्म 17:10

फिरी झट ही तिन्हा जो रातो रात संगी विश्वासियां ने पौलुस ते सीलास जो बिरीया कस्बे जो भेज्जी दित्तेया तित्ते पूज्जी करी, से यहूदियां रे सभास्थल बिच गे।

प्रेरितां रे कम्म 17:14

तां विश्वासियां ने झट पौलुस जो भेज्जी दित्तेया, कि समुन्द्र रे कनारे चली जा, पर सीलास ते तीमुथियुस बिरीया बिच ही रे।