मरकुस 3:29 - चम्बयाली नौआ नियम

²⁹ पर जे कोई पवित्रात्मा रे खलाफ बुराई करे, से कदी भी माफ नी कित्तेया जाणा: पर से हमेसा रे पाप रा अपराधी होई जादां।”

मरकुस 3:29 ပူးပေါင်းရင်းမြစ်များ

मत्ती 25:46

ते तिन्हा पुठ्ठे पास्से वाले बुरे लोक्कां ने हमेसा बलणे वाली आग्ग बिच सजा भुगतणी पर, धार्मिक सीद्दे पास्से वाले लोक्कां ने हमेसा री जिन्दगी बिच चली जाणा।

मत्ती 9:3

अते शास्त्रियां बिच किच्‍छ अप्पु-मित्ते बोलणा लग्गे, “ए तां परमेश्वर री बेजती करेया करदा है।”

मरकुस 12:40

से विधवा जनानियां कने धोखा करी के तिन्हेरी जमीन-जायदाद हड़पी लिंदे, ते बड़ी लम्बी-लम्बी प्रार्थना करी के पवित्र बणने रा ढोंग करदे। इदेइ गल्लां री वजह कने तिन्हा लोक्कां जो बड़ी सजा मिलणी।

मरकुस 3:30

किजोकी से मणू ए बोलदे थिये कि उस बिच दुष्टात्मा है।

लूका 12:10

ते हर तिस मणू जो माफ कित्तेया जाणा, जे मणू रे पुत्तर, जे मैं ही है रे खलाफ़ किच्‍छ गलत बोल्गा, पर जे कोई पवित्रात्मा री बेजती करगा, तिसजो माफ नी कित्तेया जाणा

2 थिस्सलुनीकियों 1:9

तिन्हा जो परमेश्वर का हमेसा तांइ अलग करी दित्तेया जाणा ते तिन्हा ने परमेश्वर री महिमामय ताकत रा अनुभव नी करी पाणा। परमेश्वर ने तिन्हा लोक्कां जो हमेसा री सजा दैणी।

यहूदा 1:13

जिय्यां समुंद्र री जोरदार छलारां गंदी झाग बणादी तिय्यां ही ए मणू भी शर्मिंदगी भरे कम्म करदे। से मणू सुरुआत ता करदे पर सीद्दे रस्ते पर नी चलदे, से सही रस्ता नी दिखांदे। परमेश्वर ने तिन्हा लोक्कां तांइ इदेइ न्याहरी जगाह् बणाए री है जित्ते तिन्हा लोक्कां जो रख्खेया जाणा।

यहूदा 1:7

ते ए भी याद करो कि सदोम ते अमोरा नां रे सहरां ते तिन्हेरे नेड़े-तेड़े रे सहरां कने कै होया थिया। तित्ते रे मणू अनैतिक कम्मां बिच पेई गे थिये ते हर तरिक्के री अश्लीलता रे कम्मां कने भरी गेरे थिये इधेरे तांइ परमेश्वर ने तिन्हा जो आग्ग कने तबाह करी दित्तेया। ए सारी गल्लां झूठ्ठे शिक्षकां तांइ इक्क चितौणी है कि तिन्हा जो भी हमेसा तिकर बलणे वाली आग्ग बिच तबाह कित्तेया जाणा।