मरकुस 3:22 - चम्बयाली नौआ नियम

²² शास्त्रि भी जे यरुशलेम सहर का आए रे थिये ए बोलदे थिये, “उसेरे बिच दुष्टात्मा है,” ते “ओ दुष्टात्मां रे सरदार री मदद कने लोक्कां बिच का दुष्टात्मा जो कडदा।”

मरकुस 3:22 ပူးပေါင်းရင်းမြစ်များ

मत्ती 10:25

चेल्‍ले तांइ ए काफी है कि से अपणे गुरु रे बराबर है, अते नौक्कर तांइ ए कि से अपणे मालक रे बराबर है, जे तिन्हा घरे रे मालक जो दुष्टात्मां रा सरदार बोल्ली दित्तेया तां घरे रे दूज्जेयां लोक्कां जो कै किच्‍छ नी बोलणा।

मत्ती 11:18

तिय्यां ही यूहन्ना ना दूए लोक्कां सांई खान्दा अते ना पीन्दा थिया पर तुसा लोक्कां ने शिकायत कित्ती उस बिच दुष्टात्मा है,

मत्ती 12:24

जां फरीसियां ने ए सूणेया तां से बोलणा लग्गे, ए तां दुष्टात्मा जो, दुष्टात्मां रे सरदार री मदत कने कड़दा।

मत्ती 15:1

तां यरुशलेम सहर का किच्‍छ फरीसी अते शास्त्रि मणू यीशु का आई करी बोलणा लग्गे,

मत्ती 9:34

पर फरीसी मणू बोलणा लग्गे, ए तां दुष्टात्मा रे सरदार री मदत कने दुष्टात्मा जो कड्डदा।

मरकुस 7:1

इक्क दिन किच्‍छ फरीसी ते शास्त्रि मणू यरुशलेम सहर का आई करी यीशु रे नेड़े कठ्ठी गे।

लूका 11:15

पर तिन्हा बिच का मते जणे बोलणा लगे, कि ए तां दुष्टात्मां रे सरदार री मदद कने इन्हा दुष्टात्मा जो कड़दा।

लूका 5:17

इक्क रोज इय्यां होया, यीशु मणूआं जो उपदेस देया करदे थिये ते फरीसी ते शास्त्रि मणू तित्ते बैठ्ठे रे थिये, जे कि गलील प्रदेश ते यहूदियां प्रदेश रे हर इक्क ग्रां अते यरुशलेम सहर का आये रे थिये, ते मणूआं जो खरा करणे तांइ प्रभु री ताकत यीशु कने थी।

यूहन्ना 10:22

यरुशलेम सहर बिच स्थापना रा त्याहार मनाया जाया करदा थिया, सर्दियां रा मौसम थिया।

यूहन्ना 7:20

लोक्कां ने यीशु जो जवाब दिता, “तेरे बिच तां दुष्टात्मा है! कुण तुसा जो मारणा चाहन्दा?”

यूहन्ना 8:48

ए सुणी करी यहूदियां ने तिन्हा जो बोल्लेया, कै असी ठीक नी बोलदे कि तू सामरिया प्रदेश रा है, ते तेरे बिच दुष्टात्मा है?

यूहन्ना 8:52

यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा।