मरकुस 3:20 - चम्बयाली नौआ नियम

²⁰ तां यीशु अपणे चेल्‍लेयां कने कुसकी रे घरे गे ते तित्ते इक्क इदेइ भीड़ कठ्ठी गई कि से रोट्टी भी नी खाई सके।

मरकुस 3:20 ပူးပေါင်းရင်းမြစ်များ

मरकुस 1:45

पर से बाहर जाई करी इस गल्ल रा बड्डा प्रचार करणे ते इत्ते तक फैलाणा लग्गेया कि यीशु फिरी नगर बिच खुली करी नी जाई सके, पर बाहर सुनसान इलाकें बिच रेया ते चारो पास्से का मणू उस का आन्दे रेय।

मरकुस 2:1

मते रोज्जां बाद से फिरी कफरनहूम रे कस्बे बिच आया, ते लोक्कां ने सूणेया कि अपणे से घरे है।

मरकुस 3:19

यहूदा इस्करियोती जिन्निए यीशु जो पकड़वाई भी दित्तेया।

मरकुस 3:7

यीशु लोक्कां का दुर अपणे चेल्‍लेयां कने गलीली समुन्द्र पास्से चली गे ते तित्ते इक्क बड्डी भीड़ गलील प्रदेश का तिन्हा रे पीच्छे चली पेई।

मरकुस 3:9

यीशु ने अपणे चेल्‍लेयां जो बोल्लेया, “भीड़ री वजह कने इक्क छोटी किस्ती मेरे ताइं तैयार रे ताकि से मेरे जो दब्बी ना दैण।”

मरकुस 6:31

यीशु ने चेल्‍लेयां जो बोल्लेया, “असी कुसकी किल्ली जगाह् बिच जाई करी अराम करी लिंदे।” किजोकी मते मणू तित्ते आदें-जादें थिये, ते तिन्हा जो खाणे रा भी मौक्का नी मिल्लेया।

मरकुस 7:17

जां यीशु भीड़ जो छड्डी करी घरे अंदर गेया तां तिन्हेरे चेल्‍लेयां ने इस उदारण रे बारे बिच यीशु का पूच्छेया।

मरकुस 9:28

बाद बिच जां यीशु अपणे चेल्‍लेयां कने घरे किल्ले थिये, तां तिन्हेरे चेल्‍लेयां ने तिन्हा का पूच्छेया, “असां तिसजो किजो नी कड्डी सके?”

लूका 6:17

जिस बेल्ले यीशु पहाड़ का उतरी करी पधरी जगाह् बिच आई करी खड़े होये तां तित्ते तिन्हेरे चेल्‍ले अते यहूदिया, यरुशलेम, सूर अते सैदा रे सहर रे समुन्द्री इलाकेयां का आए रे मते लोक्कां री बड्डी भीड़ तित्ते आई गई।