मरकुस 3:10 - चम्बयाली नौआ नियम

¹⁰ किजोकी यीशु ने मते जणेया जो ठीक कित्तेया थिया, इधेरे ताइं जिन्ने मणू बिमार थिये, यीशु जो छुणे ताइं उन्हा पराल्ले पेई चले रे थिये।

मरकुस 3:10 ပူးပေါင်းရင်းမြစ်များ

मत्ती 12:15

पर यीशु ए जाणी गे अते तित्ते का चली गे बड़े भरी लोक्की तिन्हेरे पीच्छे चली पेह् अते यीशु ने तिन्हा सबनियां जो खरा कित्तेया,

मत्ती 14:14

यीशु जां किस्ती का निकली करी बन्ने आये तां तिन्हा लोक्कां री बड़ी बड्डी भीड़ दिख्खी तिन्हा जो तिन्हा पर बड़ा तरस आया ते तिन्हा ने बमारा जो खरा कित्तेया।

मत्ती 14:36

ते से तिन्हा कने बिन्ती करणा लगे कि से तिन्हा जो अपणे कपड़े जो ही छुणा देयो, अते जितणेया ने छुत्तेया, से पूरी तरह कने ठीक होई गे।

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मरकुस 5:34

यीशु ने तिसजो बोल्लेया, “कुड़िए तेरे भरोसे ने तेरे जो ठीक कित्ता: राजी खुसी जा, ते अपणी इस बीमारी का बची रेय।”

मरकुस 6:56

ते जिस कुसकी सहर, या बस्तियां बिच यीशु जांदे थिये, मणू बिमारां जो बजारां बिच रख्खी करी उन्हा का बिनती करदे थिये कि से तिन्हा बिमार लोक्कां जो अपणे कपड़े रे पल्ले जो ही छुई लैणा दैण : ते जिनिये यीशु जो छूदें थिये से सारे ठीक होई जादें थिये।

मरकुस 8:22

यीशु ते तिन्हेरे चेल्‍ले बैतसैदा रे कस्बे बिच आये, अते किच्‍छ मणू इक्क अन्ने मणू जो तिन्हा का लेई आया अते तिन्हेरे छन्दे कित्ते कि तिसजो छुई करी ठीक करी दैण।

लूका 5:3

मते मणू होणे री वजह कने यीशु तिन्हा दो किस्तियां बिच का इक्क पर चढ़ी गे जे शमौन री थी ते तिन्हा ने शमौन जो बोल्लेया, किस्ती जो कनारे का जरा कर अग्गे जो लेई चल ते से लेई गेया, अते फिरी यीशु किस्ती पर बेई करी मणूआं जो उपदेस दैणा लगे

लूका 6:19

सब मणू तिन्हा जो छुणा चाह्‍ंदे थिये किजोकी तिन्हेरे बिच का ताकत निकली करी मणूआं जो खरा करदी थी।

लूका 7:2

तित्ते इक्क सुब्बेदार थिया, अते तिसेरा इक्क नौक्कर थिया, जे की तिसजो बड़ा प्यारा थिया से बीमारी री वजह कने मरणे जो होई गे रा थिया।

लूका 7:21

तां यीशु ने तिन्हेरे ही सामणे मते जणेयाँ जो बुमारियाँ का अते तकलिफां, अते दुष्टात्मा का छुड़ाया, अते मते जणे अन्ने मणूआं जो लौ दित्ती

प्रेरितां रे कम्म 5:15

प्रेरितां रे कम्म रा ए नत्तीजा रेया कि मणू बिमारां लोक्कां जो सड़कां पर अणी-अणी करी मज्जेयां ते झुल्लेयां पर लेटाई दिदें थिये ताकि जां पतरस आये तां तिसेरी परछाई ही तिन्हा बिच का कुसकी पर पेई जाए।

इब्रानियों 12:6

किजोकी प्रभु जिस कने प्यार करदा, तिसजो सुधारदे भी, ते जिस जो औलाद सांई मनदे, तिसजो कोड़े भी लादां।”