मरकुस 2:9 - चम्बयाली नौआ नियम

⁹ असान कै है? कै अधरंग रे बिमार जो बोलणा, “तेरे पाप माफ होए, या ए कहणा, उठ अपणा पन्द चुक्की करी चल फिर?”

मरकुस 2:9 ပူးပေါင်းရင်းမြစ်များ

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

मत्ती 9:2

अते दिख्खो, किच्‍छ मणू अधरंग रे इक्क मरीज जो बाणी वाले मन्जे पर रख्खी करी यीशु रे नेड़े लेई आये तिन्हा ने तिन्हेरा विश्वास दिख्खी करी, तिस अधरंग रे मरीज जो बोल्लेया, “ओ पुत्तर, हिम्मत रख तेरे पाप माफ होई गे।”

मत्ती 9:5

असान कै है? ए बोलणा, तेरे पाप माफ होई गे, या ए बोलणा, उठ अते हन्ड़ फिर?

मरकुस 2:10

पर जिस कने तुसा जाणी लेयो कि मणू रे पुत्तर, जे मैं ही है जो जे मैं ही है इस धरती पर पाप माफ करणे रा भी अधिकार है। तिनिये तिस अधरंग रे बिमार जो बोल्लेया;

मरकुस 2:8

यीशु ने तिस्सी बेल्ले अपणी आत्‍मा बिच जाणी लित्तेया कि से अपणे-अपणे मन बिच इदेइ गल्ल हिन सोचदे, ते उन्हेरे जो बोल्लेया, “तुसां अपणे-अपणे मन बिच ए गल्ल किजो हिन सोचदे?”

लूका 7:48

अते यीशु ने तिस जनानी जो बोल्लेया, तेरे पाप माफ होई गे