मरकुस 2:25 - चम्बयाली नौआ नियम

²⁵ यीशु ने तिन्हा लोक्का जो बोल्लेया, “क्‍या तुसा ए कदी नी पढ़ेया कि जां असा रे पुरखे दाऊद राजा जो जरुरत पेई, ते जां से ते उसेरे दोस्त भूख्खे थिये, तां तिनिये कै कित्ता थिया?”

मरकुस 2:25 ပူးပေါင်းရင်းမြစ်များ

मत्ती 19:4

उन्हा जो यीशु ने जवाब दित्तेया, कै तुसा ने शास्त्र बिच नी पढ़े रा है कि दुनिया जो रचणे वाले ने सुरु बिच, उन्हा जो इक्क जनानी ते इक्क मड़द रे रुप बिच रचेया थिया?

मत्ती 21:16

ते तिन्हा जो बोलणा लग्गे, कै तू सूणदा कि ए मणू कै हिन बोल्लेया करदे? यीशु ने तिन्हा जो बोल्लेया, हाँ कै तुसा ए कदी नी पढ़ेया: मुडेंया ते दूद्द पिदें बच्चेयां का तू अपणी महिमा कराई?

मत्ती 21:42

यीशु ने तिन्हा जो बोल्लेया, कै तुसा कदी पवित्रशास्त्र बिच ए नी पढ़ेया: जिस बट्टे जो राजमिस्त्रियां ने ठुकराई दित्तेया थिया, से ही कुणे रे सिरे रा बट्टा होई गेया? ए परमेश्वर रे पास्से का होया ते असा री नजर बिच अनौखा है।

मत्ती 22:31

पर मरे होए रे फिरी जिन्दे होणे रे बारे बिच कै तुसा ए वचन नी पढ़ेया जे परमेश्वर ने तुसा कने बोल्लेया;

मत्ती 4:2

जां यीशु चाली रोज अते चाली रात्तां तिकर ब्रत्त रख्खी बैठ्ठे तां तिन्हा जो भूख लग्गी।

मरकुस 12:20

उदारण रे तौर पर, कुसकी बेल्ले सत्त भ्याल हुंदे थिये। सबका बड्डे भ्याल ने तिस जनानी कने ब्याह् कित्ता पर बगैर औलाद रे ही मरी गेया।

मरकुस 12:26

पर अवे, मरे रे लोक्कां रे जिन्दे होणे रे बारे बिच कै तुसा मूसा री कताबां री तिस बलदी झाड़ी री कहाणी बिच ए नी पढ़ेया? अब्राहम, इसहाक ते याकूब रे मरणे रे मते साल्लां बाद भी परमेश्वर मूसा कने बोलदे, ‘मैं अब्राहम रा परमेश्वर, इसहाक रा परमेश्वर ते याकूब रा परमेश्वर है।’

मरकुस 2:24

तां फरीसियां ने उन्हा जो बोल्लेया, “दिख्खो ए विश्राम दिन पर कम्म किजो करदे जे मूसा रे कानून रे खिलाफ है?”

मरकुस 2:26

तिनिये किय्यां अबियातार प्रधान पुरोत्त रे बेल्ले, परमेश्वर रे तम्बू बिच जाई करी चढ़ा़वे री रोट्टियां खाई, जिस जो पुरोत्त जो छड्डी करी होर कोई नी खाई सकदा, ते अपणे दोस्तां जो भी दित्ती?

लूका 10:26

तिन्हा ने जवाब दित्तेया, कि तैं मूसा रे कानून री कताब बिच कै पढ़दा?