मरकुस 2:1 - चम्बयाली नौआ नियम

¹ मते रोज्जां बाद से फिरी कफरनहूम रे कस्बे बिच आया, ते लोक्कां ने सूणेया कि अपणे से घरे है।

मरकुस 2:1 ပူးပေါင်းရင်းမြစ်များ

मत्ती 4:13

तां से नासरत कस्बे का निकली करी कफरनहूम कस्बे बिच रैह्णा लग्गे, जे जबूलून अते नप्ताली नां री जातियां रे इलाके बिच ते गलीली समुन्द्र रे किनारे पर थिया।

मत्ती 9:1

फिरी यीशु किस्ती पर चढ़ी करी पार अपणे सहरां जो आई गे।

मरकुस 1:45

पर से बाहर जाई करी इस गल्ल रा बड्डा प्रचार करणे ते इत्ते तक फैलाणा लग्गेया कि यीशु फिरी नगर बिच खुली करी नी जाई सके, पर बाहर सुनसान इलाकें बिच रेया ते चारो पास्से का मणू उस का आन्दे रेय।

मरकुस 2:2

फिरी तित्ते इन्ने मणू कठ्ठित्ते कि दरवाज्जे का भी जगाह् नी थी, ते से तिन्हा लोक्कां जो परमेश्वर रा वचन सुणादा थिया।

मरकुस 3:20

तां यीशु अपणे चेल्‍लेयां कने कुसकी रे घरे गे ते तित्ते इक्क इदेइ भीड़ कठ्ठी गई कि से रोट्टी भी नी खाई सके।

मरकुस 7:17

जां यीशु भीड़ जो छड्डी करी घरे अंदर गेया तां तिन्हेरे चेल्‍लेयां ने इस उदारण रे बारे बिच यीशु का पूच्छेया।

मरकुस 7:24

फिरी यीशु ते तिन्हेरे चेल्‍ले गलील प्रदेश का निकली करी सूर अते सैदा सहर रे नेड़े रे इक्क इलाक्के बिच आए ते इक्क घर बिच गे ते से चाह्‍ंदे थिये कि कुसकी जो तिन्हेरे तित्ते आणे रे बारे बिच पता ना लग्गे।

मरकुस 9:28

बाद बिच जां यीशु अपणे चेल्‍लेयां कने घरे किल्ले थिये, तां तिन्हेरे चेल्‍लेयां ने तिन्हा का पूच्छेया, “असां तिसजो किजो नी कड्डी सके?”

लूका 4:23

फिरी यीशु ने तिन्हा जो बोल्लेया, तुसा ने मेरे बारे अन्दर ए कहावत तां जरुर बोल्णी, ओ वैद्दा, पैल्ले अप्पु जो तां खरा करी लै ते जे किच्‍छ असा ने तेरे बारे अन्दर सुणे रा है, कि तैं कफरनहूम कस्बे अन्दर बड़े चमत्कार कित्ते रे हिन, से सब किच्‍छ अवे अपणे देस अन्दर भी कर

लूका 5:18

तिस बेल्ले मते जणे इक्क मणू जो, जे कि अधरंग रा मरीज थिया, बाणी वाले मन्ज्जे पर लटाई करी मणूआं री भीड़ रे बिच का यीशु रे बिल्कुल सामणे लेई जाणे री कोसीस करेया करदे थिये

यूहन्ना 4:47

से ए सुणी करी कि यीशु यहूदियां का गलील प्रदेश बिच आई गेरे हिन, तिसेरे का गेया कने तिसेरे छन्दे करणा लग्गेया चली करी मेरे निक्के जो ठीक कर किजोकी से मरणे वाला थिया।

प्रेरितां रे कम्म 2:6

जां ए गरजणे जैसी अवाज लोक्कां जो सुणित्ती तां भीड़ कठ्ठी गई, ते मणू डरी गे, किजोकी हर इक्क ने प्रेरितां जो तिन्हेरे भाषा बिच बोलदे सूणेया थिया।