मरकुस 16:9 - चम्बयाली नौआ नियम

⁹ यीशु मुर्देयां बिच जिन्दे होणे का बाद, सबका पैल्ले मगदला सहर री मरियम जो दिस्से, जिस बिच का यीशु ने सत्त दुष्टात्मां जो कड्डेया थिया।

मरकुस 16:9 ပူးပေါင်းရင်းမြစ်များ

मत्ती 27:56

तिन्हा बिच मगदला सहर री मरियम, ते याकूब ते योसेस री माता मरियम, ते जब्दी रे पुत्तरां री मां थी।

मरकुस 15:40

मगदला सहर री मरियम, याकूब ते योसेस री मां मरियम ते सलोमी दुर का ही ए सब किच्‍छ दिख्खेया करदी थी।

मरकुस 15:47

मगदला सहर री मरियम ते योसेस री मां मरियम दिख्खेया करदी थिया कि तिन्हा जो कुते रख्खे दा है।

मरकुस 16:8

अते से जनानियां तित्ते का झट-पट तिस कब्र का नह्सी करी हटी आई किजोकी डर रे मारे से कमेया करदी थी। से इन्नी जादा डरी गई थी कि तिन्हा ने कुसकी जो किच्‍छ भी नी बोल्लेया।

लूका 24:10

से जनानियां मगदला सहर री मरियम, योअन्ना, अते याकूब री मां, मरियम थी अते तिन्हा कन्ने दूज्जी जनानियां भी थिया जिन्हा जे ए गल्लां प्रेरितां जो दस्सी,

लूका 8:2

चेल्‍लेयां जो छड्डी करी यीशु कन्ने जनानियां भी थिया, जिन्हा जो यीशु ने बमारियाँ ते दुष्टात्मा का बचाये रा थिया। तिन्हा बिच का इक्क मगदला सहर री मरियम भी थी यीशु ने तिस बिच का सत्त दुष्टात्मा कह्ड्डी थिया।

यूहन्ना 20:12

अते जित्ते यीशु री सरीर जो रख्खे रा थिया, तित्ते तिसने दो स्वर्गदूतां जो चिट्टे कपड़ेयां बिच, इक्क जो सिराणे अते दूज्जे जो पैरा का बैठ्ठे रे दिख्खेया।

प्रेरितां रे कम्म 20:7

हफ्ते रे पैल्ले रोज्जे, जां असी प्रभु भोज मनाणे तांइ कठिये, तां पौलुस ने, जे दूए रोज्जे जाणे वाला थिया, तिन्हा कने गल्लां कित्तियां अते अद्दी रात्ती तांइ गल्लां करदा रेया

1 कुरुन्थियों 16:2

हफ्ते रे पैल्ले दिन तुसा बिच हर इक्क जणा अपणी-अपणी कमाई बिच का किच्‍छ अप्पु का जमा करी रख्खे ताकि मेरे आणे का बाद दान ना कठेरणा पेयो।

प्रकाशित वाक्य 1:10

इतवार रे दिन पर, जे प्रभु रा दिन है, मैं पवित्रात्मा रे ताकत रे वस बिच थिया। मैं अपणे पीच्छे का इक्क अवाज जो किच्‍छ बोलदे सूणेया, से अवाज कुसकी तुरही सांई बड़ी तेज थी।