मरकुस 16:1 - चम्बयाली नौआ नियम

¹ संज्जा बेल्ले जां विश्राम दिन पूरा होई गेया, तां मगदला सहर री मरियम, ते याकूब री मां मरियम, अते सलोमी ने खुश्बू वाली चीजां खरीदी लित्ती कि आई करी यीशु रे लास पर मली सके।

मरकुस 16:1 ပူးပေါင်းရင်းမြစ်များ

मरकुस 14:3

जिस बेल्ले यीशु बैतनिय्याह रे कस्बे अन्दर तिस शमौन रे घरे जिस जो तिन्हा ने कोढ़ का ठीक कित्तेया थिया, रोट्टी खाणे जो बैठे रे थिये, तां तिस बेल्ले इक्क जनानी चिट्टे पत्थर रे पात्र बिच जटामांसी फूल रा बड़ा मैह्न्गा इत्र लेई आई अते सगंमरमर रे बर्तन जो तोड़ी करी तेल जो यीशु रे सरा पर उन्धेरी दित्तेया।

मरकुस 14:8

जे किच्‍छ भी ए करी सकदी थी, तिसने कित्ता, तिसने मेरे दब्बे जाणे री तयारी बिच पैल्ले आई करी मेरे जिस्म बिच तेल मलेया।

मरकुस 15:40

मगदला सहर री मरियम, याकूब ते योसेस री मां मरियम ते सलोमी दुर का ही ए सब किच्‍छ दिख्खेया करदी थी।

मरकुस 15:42

ए सारा किच्‍छ विश्राम दिन री तयारी करणे वाले रोज्जे होया, जां सँझ होई,

मरकुस 15:47

मगदला सहर री मरियम ते योसेस री मां मरियम दिख्खेया करदी थिया कि तिन्हा जो कुते रख्खे दा है।

मरकुस 16:2

हफ्ते रे पैल्ले रोज्जे, भ्यागा ही सूरज निकलदे ही, से त्रै जनानियां यीशु री कब्र पर गेईयां।

मरकुस 16:8

अते से जनानियां तित्ते का झट-पट तिस कब्र का नह्सी करी हटी आई किजोकी डर रे मारे से कमेया करदी थी। से इन्नी जादा डरी गई थी कि तिन्हा ने कुसकी जो किच्‍छ भी नी बोल्लेया।

लूका 23:54

अते से रोज तयारी रा दिन थिया ते विश्राम दिन रे दिन सुरु होणे वाला थिया।

लूका 23:56

फिरी से घरां जो हटी आई अते तिन्हा ने यीशु रे सरीर पर मलणे तांइ खुशबू वाली चीजां कने इत्र रा लेप तैयार कित्तेया। अते तिय्यां ही विश्राम दिन वाला रोज आई गेया अते तिन्हा ने मूसा रे कानून रे हिसाब कने तिस रोज अराम कित्ता।

लूका 24:1

हफ्ते रे पैले रोज्जे तड़के ही से जनानियां कब्र पर तिस खुशबू वाले लेप जो, जिस जो तिन्हा ने तैयार कित्या थिया, लेई करी आई।

यूहन्ना 19:25

यीशु री सुली रे नेड़े तिन्हेरी मां, अते तिन्हरी मां री भैण, क्लोपास री लाड़ी मरियम ते मगदला सहर री मरियम खड़ितेरी थी।

यूहन्ना 19:31

से फसह री तयारी रा रोज अते विश्राम दिन भी थिया, ते तिस दिन लास सुली पर लटकी ना रेयो (किजोकी से विश्राम दिन बड़ा खास दिन थिया), इधेरे तांइ यहूदी लोक्कां ने पिलातुस जो बोल्लेया कि से हुकम देंन कि इन्हेरी लत्ता भन्नी दित्ती जाण अते तिन्हेरी लास तित्ते का हटाई दित्ती जाण।