मरकुस 14:41 - चम्बयाली नौआ नियम

⁴¹ जां यीशु तिज्जी वरी हटी करी आये तां फिरी तिन्हा जो सुत्ते रा दिख्खी करी बोल्लेया, “तुसी हल्ले भी सुत्ते रे हिन? बस्स करो! से बेल्ला आई चुके रा है। दिख्खो मणू रा पुत्तर, जे मैं ही है पाप्पी लोक्कां रे हत्थां पकड़वाया जाणा।

मरकुस 14:41 ပူးပေါင်းရင်းမြစ်များ

मरकुस 14:35

फिरी यीशु थोड़े अग्गे बधे अते जमीन पर गोड्डे-भारे पेई करी प्रार्थना करणा लगे कि जे अगर होई सकदा तां ए घड़ी मेरे का टली जाये,

मरकुस 9:31

किजोकी से अपणे चेल्‍लेयां जो सिखाणा चाह्‍ंदे थिये। यीशु ने अपणे चेल्‍लेयां जो बोल्लेया “मणू रा पुत्तर, जे मैं ही है लोक्कां रे हत्थां पकड़ाया जाणा, अते तिन्हा ने मेरे जो मारी रखणा अते मैं मरणे रे तिज्जे रोज्जे जिंदा होई जाणा।”

यूहन्ना 17:1

जां यीशु अपणे चेल्‍लेयां जो ए गल्लां बोल्ली बैठ्ठे, तां तिन्हा ने उप्पर आसमान पास्से दिख्खी करी बोल्लेया, ओ पिता, से बेल्ला आई रेया, अपणे पुत्तर री बड़ाई कर ताकि पुत्तर भी तुसा री बड़ाई करे।

प्रेरितां रे कम्म 7:52

भविष्यद्वक्ता बिच का कुस जो तुसा रे बाबे-दादेयां ने नी तगं कित्ता? तिन्हा ने तिस धार्मिक रे आणे री खबर दैणे वाले तिन्हा पैल्ले जमाने रे लोक्कां जो मारी रख्खेया ते जां मसीह आए तां तुसा तिन्हा जो पकड़वाई करी मरवाई रखणे वाले मणू हिन।

यूहन्ना 12:27

अवे मेरा मन बड़ा वरी दुखी है इस तांइ अवे मैं कै बोल्लां? ओ पिता, मेरे जो इस दुख री घड़ी का बचा? पर मैं इसी वजह कने इस दुख का घड़ी बिच पूज्जे रा है।

यूहन्ना 12:23

इस पर यीशु ने उन्हा जो बोल्लेया, ओ वक्त आई गे रा है कि मणू रे पुत्तर री बड़ाई हो।

यूहन्ना 8:20

ए गल्लां तिन्हा ने मन्दिर रे अंगण बिच उपदेस दिन्दे होए भण्डार घर बिच बोल्ली, कने कुसी ने तिसजो नी पकड़ेया किजोकी तिसेरा हल्ले तिन्हेरा पकड़ी करी सताए ते मारे जाणे रा बेल्ला नी आया थिया।

यूहन्ना 7:30

इस पर तिन्हा यहूदी अधिकारियां ने यीशु जो गिरफ्तार करणा चाएया, पर तां भी कुसकी ने भी उन्हा पर हत्थ नी पाया किजोकी तिन्हेरा गिरफ्तार होणे रा वक्त हल्ले तिकर नी आया थिया।

मरकुस 14:18

जिस बेल्ले से बेई करी रोट्टी खाया करदे थिये, तां यीशु ने बोल्लेया, “मैं तुसा जो सच बोल्दा कि तुसा बिच का इक्क जणे ने, जे मेरे कने रोट्टी खाया करदा है, मेरे जो पकड़वाई दैणा।”

मरकुस 14:10

तां यहूदा इस्करियोती जे बारा चेल्‍लेयां बिच का इक्क थिया, बड्डे पुरोत्तां का गेया कि यीशु जो तिन्हेरे हत्था पकड़वाई देयो।

मरकुस 7:9

फिरी यीशु ने बोल्लेया, “तुसी अपणी परम्परा जो पकड़े रखणे तांइ बड़ी सफाई कने परमेश्वर रे नियमां जो टाली दित्तेया।

मत्ती 26:2

तुसा जाणदे की दो दिनां बाद फसह रे त्याहार है ते मणू रा पुत्तर, जे मैं ही है सुली पर चढ़ाए जाणे तांइ पकड़वाया जाणा।

मरकुस 14:40

यीशु जां वापिस तिन्हा त्रै चेल्‍लेयां का आए तां फिरी तिन्हा जो सुत्ते रा दिख्खेया, से इन्नी जादा निन्दर बिच थिये कि से अपणी हाख्खियां भी नी खोली पांदे थिये, से बड़े शर्मिंदा होए ते समजी नी सके कि अवे कै जवाब दैण।

मरकुस 14:42

उठ्ठो ते चलो! दिख्खो, मेरे जो पकड़वाणे वाला नेड़े आई रेया।”