मरकुस 13:8 - चम्बयाली नौआ नियम

⁸ किजोकी देस-देस रे लोक्कां ने अप्पु अंदर लड़ाईयां करणी ते इक्क राज ने दूज्जे राज पर हमले करणे। मती जगाह् पर हिल्लण आणे, ते अकाल पेई जाणे, पर ए तां तकलिफां री सुरुआत ही है।

मरकुस 13:8 ပူးပေါင်းရင်းမြစ်များ

मत्ती 24:8

ए सारी गल्लां दुख-मुसीबतां री सुरुआत होणी।

मरकुस 13:7

जां तुसा लड़ाईयां ते लड़ाईयां री धमकियां सुणगे, तां डरदे मत। हाँ, ए सारी गल्लां तां होणी ही हिन, पर अंत इन्ने तौले नी होणा।

मरकुस 13:9

“पर तुसा चुकन्ने रेयो, किजोकी जां ए सारी चीजां होणा सुरु होणी तां तुसा लोक्कां जो पकड़ी करी पंचायत बिच लेई जाया जाणा ते सभास्थल बिच मारेया-कुट्टेया जाणा, तुसा जो हाकमां ते राज्जेयां सामणे लेई जाया जाणा किजोकी तुसा मेरे चेल्‍ले हिन।” पर ए तुसा तांइ मौक्का होणा कि तुसा तिन्हेरे सामणे मेरी गवाई देई सको।

प्रेरितां रे कम्म 11:28

तिन्हा बिच का अगबुस नां रे इक्क भविष्यद्वक्ता ने खड़े होई करी पवित्रात्मा रे गलाये ए दस्सेया, कि सारे रोम साम्राज्य बिच इक्क बड्डा अकाल पैणा, ते से अकाल क्लौदियुस सम्राट रे राज रे दौरान पेया।

1 थिस्सलुनीकियों 5:3

जां मणू बोलदे होणे, सब ठीक है ते चिंता री कोई गल्ल नी है, तां चाणचक्के ही मुसीबतां ने तिन्हा पर इक्क-दम ही इय्यां आई पैणा जिय्यां कुसकी दुपराणी जनानी जो पीड़ां लग्गी पैंदी ते तिन्हा ने कुसकी भी तरिक्के कने तिस मुसीबत का नी बची सकणा है।

प्रकाशित वाक्य 6:4

ते फिरी इक्क लाल घोड़ा तिस जगाह् का निकलेया जित्ते से सिंहासन थिया। परमेश्वर रे तिस घोड़े रे सवार जो धरती पर रैह्णे वाले लोक्कां बिच लड़ाई कराणे री ताकत दित्ते री थी, ताकि से मणू इक्क-दूए जो लड़ाईयां बिच मारी रखण। इस मकसद तांइ परमेश्वर ने तिस घोड़े रे सवार जो इक्क बड्डी तलवार भी दित्ते री थी।