मरकुस 13:34 - चम्बयाली नौआ नियम

³⁴ “मेरे से आणे रा दिन तिस आदमी रे उदारण जदेया होणा जे इक्क लम्बे सफर पर गेया। ते जाणे का पैल्ले तिसने अपणे हर नौक्कर जो तिन्हेरे कम्म समझाई दित्ते, ते तिसने अपणे चौकीदार जो तिसेरे हटणे री भाल बिच रैह्णे जो बोल्लेया।

मरकुस 13:34 ပူးပေါင်းရင်းမြစ်များ

मत्ती 16:19

मैं तिज्जो स्वर्ग रे राज री चाब्बियां दैणी, अते जे किच्‍छ तू दुनिया पर बणना, से स्वर्ग बिच बन्नी जाणा अते जे किच्‍छ तू दुनिया पर खोलगा, से स्वर्ग बिच खुलणा।

यूहन्ना 10:3

तिसेरे तांइ पैहरेदार दुआर खोल्ली दिंदा, ते भेड़ां तिसेरी अवाज सुणदी, ते से अपणी भेड़ां जो नां लेई-लेई करी सददा ते बाहर लेई जादां।

रोमियों 13:6

इधेरे तांइ चुंगी भी देया करो, किजोकी शासन करणे वाले परमेश्वर रे दास हिन ते हमेसा अपणी जिम्मदारियां जो निभाणे बिच लगे रैह्‍न्दे।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

कुलुस्सियों 3:24

किजोकी परमेश्वर ने तुसा जो ईनाम दैणा, ते से ईनाम ए है कि तिन्हा ने तुसा जो तिस आशीष बिच हिस्सा दैणा जे तिन्हा ने अपणे लोक्कां तांइ स्वर्ग बिच तैयार कित्ते री है। याद रख्खो कि तुसा जिसेरी सेवा करदे से प्रभु यीशु मसीह हिन।

कुलुस्सियों 4:1

ओ मालिकों, ए जाणदे होए कि स्वर्ग बिच तुसा रा भी इक्क मालिक है, तुसा भी अपणे गुलामां कने जायज़ ते इक्क बराबर बर्ताव करो।

प्रकाशित वाक्य 3:7

तिनिये मेरे जो बोल्लेया, “फिलदिलफिया सहर रे कलीसिया रे स्वर्गदूत जो ए चीठ्ठी लिख्ख, मैं ही से पवित्र ते सच्चाई है, जिस का से चाब्बी है जे दाऊद राज्जे का थी। जां मैं चाब्बी लेई करी दुआर खोलदा, तां तिसजो कोई भी बांद्द नी करी सकदा, ते जां मैं चाब्बी लेई करी कोई दुआर बांद्द करदा, तां कोई तिसजो खोल्ली नी सकदा। मैं तेरे जो ए बोलदा,