मरकुस 13:11 - चम्बयाली नौआ नियम

¹¹ जिस बेल्ले तुसा कने कचेरी बिच सवाल-जवाब कित्ते जाणे, तां डरदे मत कि कै जवाब दिंगे। से ही बोल्लेयो जे परमेश्वर तिस बेल्ले बोलणे तांइ दस्से, किजोकी बोलणे वाले तुसा नी पर पवित्रात्मा है।

मरकुस 13:11 ပူးပေါင်းရင်းမြစ်များ

मत्ती 10:17

पर मणूआं का बची करी रेयो, किजोकी तिन्हा तुसा जो पंचायता बिच देई दैणा, अते तिन्हा तुसा जो अपणी सभास्थल बिच कोड़े मारणे।

मरकुस 13:12

“भाई ने भाई जो धोख्खे कने मरवाई दैणा, प्यो ने अपणे ही मुंडे जो धोख्खा दैणा, ते बच्चेयां ने मां-प्यो रे खलाफ होई जाणा ते तिन्हा जो मरवाई दैणा।”

मरकुस 13:9

“पर तुसा चुकन्ने रेयो, किजोकी जां ए सारी चीजां होणा सुरु होणी तां तुसा लोक्कां जो पकड़ी करी पंचायत बिच लेई जाया जाणा ते सभास्थल बिच मारेया-कुट्टेया जाणा, तुसा जो हाकमां ते राज्जेयां सामणे लेई जाया जाणा किजोकी तुसा मेरे चेल्‍ले हिन।” पर ए तुसा तांइ मौक्का होणा कि तुसा तिन्हेरे सामणे मेरी गवाई देई सको।

लूका 21:12

पर इन्हा गल्लां रे होणे का पैले मेरे पीछे चलणे वालेयां मणूआं जो पकड़ी लित्तेया जाणा, तुसा पर मुसीबतां पैणी, तुसा जो यरुशलेम रे सभास्थल बिच लेई जाई करी तिन्हा का देई दैणा, अते तुसा जो जेला बिच ढप्पी दैणा, अते तुसा जो राज्जेयां (न्यायधिशाँ) कने राज्पालां का लेई जाणा।

यूहन्ना 3:27

यूहन्ना ने जवाब दित्ता, जिस बेल्ले तक मणू जो स्वर्ग का हक्क ना दित्तेया जाए, तिस बेल्ले तक सेह कुछ भी नी पाई सकदा

प्रेरितां रे कम्म 2:4

से सारे पवित्रात्मा बिच भरी गे, ते जिय्यां पवित्रात्मा ने तिन्हा जो बोलणे री ताकत दित्ती, से बखरी-बखरी भाषा बिच बोलणा लग्गे।

प्रेरितां रे कम्म 3:13

अब्राहम ते इसहाक ते याकूब रे परमेश्वर, हमारे पूरखां रे परमेश्वर ने अपणे सेवक यीशु री महिमा कित्ती, जिन्हेरे जो तुसा यहूदी अधिकारियां रे हत्थां पकड़वाई दित्ता, ते जां पिलातुस ने तिन्हेरे जो छड्डी दैणे रा फैसला कित्ता, तां तुसा तिसेरे सामणे तिन्हेरा इन्कार कित्ता।

प्रेरितां रे कम्म 4:31

जां से प्रार्थना करी बैठे, तां से जगाह् जित्ते से कठित्ते रे थिये, हिली गेया ते से सारे पवित्रात्मा बिच भरी गे, ते परमेश्वर रा वचन हिम्मत कने सुणादे रेय।

प्रेरितां रे कम्म 6:10

से मणू तिन्हा गल्लां रा जवाब नी देई सके जे स्तिफनुस बोल्लेया करदा थिया किजोकी पवित्रात्मा ने तिसजो समजदारी कने जवाब दैणे री ताकत दित्ती थी।

प्रेरितां रे कम्म 6:15

तां सारे लोक्कां ने जे सभा बिच बैठ्ठे रे थिये, तिस पर नजरां टिकाई ते तिसेरा मुँह स्वर्गदूत सांई रौसनी कने चमकेया करदा थिया।

प्रेरितां रे कम्म 7:55

पर तिसने पवित्रात्मा कने भरी करी स्वर्ग रे पास्से दिख्खेया ते परमेश्वर री महिमा जो ते यीशु जो परमेश्वर रे सज्जे पास्से खड़ित्ते रा दिख्खी करी

1 कुरुन्थियों 2:13

हर इक्क गल्ल जे असी बोलदे से असा जो इन्सान कने नी बल्कि परमेश्वर रे आत्‍मा रे जरिये सिखाया गे रा है। ते से ही आत्‍मा आत्मिक लोक्कां जो आत्मिक गल्लां सिखाणे तांइ असा री मदद करदा।

इफिसियों 3:5

पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

याकूब 1:5

पर अगर तुसा बिच का कुसकी जो समझ री कमी हो, तां से परमेश्वर का मगें, जे खुले दिल कने गलतियां कड्डे बगैर दिंदे भी; ते तिन्हा ने तुसा जो समझ दैणी।

1 पतरस 1:12

पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।