मरकुस 12:16 - चम्बयाली नौआ नियम

¹⁶ से लेई आए, ते यीशु ने तिन्हा जो बोल्लेया, “इस सिक्के पर कुसेरा नां ते छाप बणे री है?” तिन्हा लोक्कां ने जवाब दित्तेया, “सम्राट रा,”

मरकुस 12:16 ပူးပေါင်းရင်းမြစ်များ

मरकुस 12:15

कै असा जो चुंगी दैणी चाएदी या नी दैणी चाएदी?” यीशु तिन्हा लोक्कां रे कपट जो समजी गे, ते फरीसियां ते हेरोदेस रे समुह रे लोक्कां जो बोल्लेया, “तुसी मणू किजो मेरे जो परखेया करदे हिन? मेरे का इक्क दीनार रा सिक्कालेई आओ, मैं तुसा जो जवाब दिंदा।”

मरकुस 12:17

यीशु ने तिन्हा जो बोल्लेया, “तां जे सम्राट रा है, से सम्राट जो देयो ते जे परमेश्वर रा है से परमेश्वर जो देयो,” तां से मणू बड़े वरी हैरान होए।

2 तीमुथियुस 2:19

तां भी परमेश्वर रे लोक्कां रा विश्वास कुसकी घरे री नीं सांई मजबूत है जे बिल्कुल भी हिलदी नी। तिस नीं पर ए गल्लां लिखित्ते री हिन, “परमेश्वर जाणदे कि तिन्हेरे मणू कुण हिन” ते ए भी “जे मणू परमेश्वर री अराधना करदे तिन्हा जो बुराई करणा छड्डी दैणा चाएदा।”

प्रकाशित वाक्य 3:12

जिन्हा लोक्कां ने दुष्ट पर जीत हासिल करणी, तिन्हा लोक्कां ने परमेश्वर रे मन्दिर रे खम्भे सांई होणा जिन्हेरी मैं अराधना करदा, ते तिन्हा जो से जगाह् भी छडणी नी पैणी। ए दिखाणे तांइ कि से मणू मेरे हिन मैं तिन्हा पर परमेश्वर रा नां ते परमेश्वर रे सहर यरुशलेम रा नां री छाप लाणी। तिस सहर ने परमेश्वर रे पास्से स्वर्ग का उतरणा। मैं तिन्हा पर इक्क नौए नां री छाप लाणी।