मरकुस 12:12 - चम्बयाली नौआ नियम

¹² तां बड्डे पुरोत्तां, शास्त्रियां ते मन्दिर रे बुजुर्गां ने यीशु जो पकड़ने री कोसीस कित्ती किजोकी से समजी गे थिये कि यीशु रे उदारण बिच से मणू दुष्ट किसान हिन पर लोक्कां रे डर कने किच्‍छ नी कित्तेया, इधेरे तांइ यीशु जो छड्डी करी चली गे।

मरकुस 12:12 ပူးပေါင်းရင်းမြစ်များ

मत्ती 21:26

ते जे बोलिये मणूआं रे पास्से का, तां असा जो भीड़ रा डर है, किजोकी से सारे यूहन्ना जो भविष्यद्वक्ता मनदे।

मत्ती 22:22

ए सुणी करी तिन्हेरे जो हैरानी हुई ते तिन्हेरे जो छड्डी करी चली गे।

मरकुस 11:18

मन्दिर बिच यीशु ने जे किच्‍छ कित्तेया थिया जां बड्डे पुरोत्तां ते शास्त्रियां ने से सूणेया तां तिन्हा जो मारणे री साजिश करणा लग्गे। से मणू यीशु जो पकड़ने का डरदे थिये किजोकी कि बाकि सारे मणू तिन्हेरे उपदेस का हैरान हुन्दे थिये।

मरकुस 11:32

अते जे अगर असी बोलदे “लोक्कां रे पास्से का थिया, तां लोक्कां रा खतरा है, किजोकी लोक्कां जो पूरा भरोसा थिया कि यूहन्ना भविष्यद्वक्ता थिये।”

लूका 20:19

तिस्सी बेल्ले शास्त्रि अते बड्डे पुरोत्त ने कोई तिगड़म लाई करी यीशु जो पकड़ी लैणा चाह्‍ंदे थिये किजोकी से समजी गेरे थिये, कि यीशु ने से उदारण तिन्हेरे ही खिलाफ बोल्लेया पर से मणूआं का डरदे थिये।

लूका 20:6

अते अगर असा ने बोल्लेया, कि मणूआं रे पास्से का थिया, तां इत्ते जितणे भी मणू हिन तिन्हा असा जो मारी छडणा, किजोकी इन्हा मणूआं री नजरा बिच यूहन्ना तां इक्क भविष्यद्वक्ता थिया

यूहन्ना 7:25

तां किच्‍छ यरुशलेम सहर रे मणू अप्पु अंदर बोलणा लग्गे “क्‍या ए से ही नी, जिस जो मारणे रा कोसीस यहूदी अधिकारी करेया करदे हिन?”

यूहन्ना 7:30

इस पर तिन्हा यहूदी अधिकारियां ने यीशु जो गिरफ्तार करणा चाएया, पर तां भी कुसकी ने भी उन्हा पर हत्थ नी पाया किजोकी तिन्हेरा गिरफ्तार होणे रा वक्त हल्ले तिकर नी आया थिया।

यूहन्ना 7:44

तिन्हा बिच का किच्‍छ मणू तिन्हा जो पकड़ना चाह्‍ंदे थिये, पर कुसकी ने उन्हा जो पकड़ेया नी।