मरकुस 12:1 - चम्बयाली नौआ नियम

¹ फिरी यीशु तिन्हा लोक्कां कने उदारण देई करी सिखाणा लगे : “कुसकी मणू ने अंगूर रा बगीच्चा लगाया, ते तिसेरे चौन्नी पास्से बाड़ा लाया, ते तित्ते इक्क अंगूर रे रस्स रा कुंड बणाया ते बगीच्चे री रखवाली करणे तांइ इक्क छन्न बणाई, ते किसान्नां जो तिसेरा ठेक्का देई करी अप्पु दुर देस जो चली गेया।

मरकुस 12:1 ပူးပေါင်းရင်းမြစ်များ

मत्ती 13:3

यीशु ने उन्हा कने उदारण देई करी मती सारी गल्लां कित्ती, उन्हा ने बोल्लेया कि, इक्क किसान भी बाणे निकलेया।

मत्ती 21:28

तुसा इस उदारण रे बारे बिच कै सोचदे? कुसकी मणू रे दो पुत्तर थिये तिसने पैल्ले का जाई करी बोल्लेया, ओ पुत्तर अज्ज अंगूर रे बगीच्चे बिच कम्म कर।

मत्ती 21:33

इक्क होर उदारण सुणो: इक्क घर रा मालक थिया जिनिये अंगूर रा बगिचा लाया, तिसेरे चारो पास्से बाड़ा लाया, तिस बिच रस्स रा कुआँ खोदेया ते गुम्मट बणाया, ते कसानों जो तिसेरा ठेका देई करी परदेस चली गेया।

मत्ती 21:34

जां फल्ल रा बेल्ला नेड़े आया तां तिसने अपणे नौकरांं जो तिसेरा फल्ल लैणे तांइ कसानां का भेज्जेया।

मत्ती 25:14

फिरी स्वर्ग रा राज उस मणू उदारण सांई है, जिनिये सफर पर जान्दे अपणे नौकरांं जो सदवाई करी तिन्हा जो व्यापार बिच लाणे तांइ किच्‍छ तोड़े दित्ते।

मरकुस 11:33

अते तिन्हा लोक्कां ने यीशु जो जवाब दित्तेया, “असी नी जाणदे।” यीशु ने तिन्हा जो बोल्लेया, “तां मैं भी तुसा जो नी दसणा कि ए कम्म मैं कुस हक्क कने करदा।”

मरकुस 13:34

“मेरे से आणे रा दिन तिस आदमी रे उदारण जदेया होणा जे इक्क लम्बे सफर पर गेया। ते जाणे का पैल्ले तिसने अपणे हर नौक्कर जो तिन्हेरे कम्म समझाई दित्ते, ते तिसने अपणे चौकीदार जो तिसेरे हटणे री भाल बिच रैह्णे जो बोल्लेया।

मरकुस 3:23

इस ताइं यीशु उन्हेरे जो नेड़े सद्दी करी उन्हेरे जो उदारणा बिच बोलणा लग्गेया, “शैतान किय्यां अपणी दुष्टात्मां जो कड्डी सकदा?”

मरकुस 4:2

ते से उन्हा जो उदारणा बिच मती सारी गल्लां सिखाणा लग्गेया, ते अपणे उपदेस बिच उन्हा जो बोल्लेया,

लूका 15:13

हल्ले बड़े रोज नी थिये होये रे, कि तिसेरा हल्का निक्का अपणा सारा समान बटोली करी कुसकी दूज्जे देसा जो चली गेया अते तित्ते अपणे सारे पैसे बुरे कम्मां अन्दर उड़ाई दित्ते।

लूका 19:12

इक्क ठीक पैसे वाला मणू अपणे देस रा राज्जा बणने दी इजाज़त लैणे तांइ इक्क देस जो गेया

लूका 22:9

तिन्हा ने यीशु का पूच्छेया कि, असी कुस जगाह् पर फसह री धाम रखण?

लूका 8:10

तिन्हा ने अपणे चेल्‍लेयां जो बोल्लेया, तुसा जो परमेश्वर रे राज री राज़ री गल्लां समजणे री अक्कल दित्ती गे री है, पर होर लोक्कां जो उदारणां बिच सुणाया जादां, ताकि से दिख्खी करी भी दिख्खी ना सकण, ते से सुणी करी भी समजी ना सकण

प्रेरितां रे कम्म 7:38

ए से ही मूसा है, जिस ने बियाबान बिच इस्राएली मणूआं रे बिच-मझाटे तिस स्वर्गदूत कने सीने पहाड़ पर कने गल्लां कित्ती ते असा रे पूरखां कने थिया, तिसी जो जिन्दगी दैणे वचन मिल्ले कि असा तिकर पूजाए।