मरकुस 11:20 - चम्बयाली नौआ नियम

²⁰ अगली भ्याग जां यीशु ते तिन्हेरे चेल्‍ले तिस अंजीर रे बुटे का गुजरेया करदे थिये जिस जो यीशु ने श्राप दित्तेया थिया, से जड़ तांइ सुकी गे रा थिया।

मरकुस 11:20 ပူးပေါင်းရင်းမြစ်များ

मत्ती 13:6

पर जां सूरज निकलेया तां से फुक्कीह् गे, ते जड़ नी पकड़ने री वजह कने से सुकी गे।

मत्ती 15:13

पर यीशु ने जवाब दित्तेया, हर इक्क पौधा जे मेरे स्वर्गीय पिता ने नी लाए रा है, से पुट्टी दित्ता जाणा।

मत्ती 21:18

भ्यागा जां से नगर जो हटेया करदे थिये तां तिन्हा जो भूख लग्गी।

मरकुस 11:12

अगले रोज जां, यीशु ते तिन्हेरे चेल्‍ले बैतनिय्याह रे कस्बे का निकलेया करदे थिये, तां तिन्हा जो भूख लग्गी।

मरकुस 11:14

यीशु ने तिस बूट्टे कने बोल्लेया, “अवे का कोई तेरा फल्ल कदी न खाए!” अते तिन्हेरे चेल्‍ले सूणेया करदे थिये।

यूहन्ना 15:6

जे कोई मेरे अंदर बणी नी रैहन्दा, तां तिसजो कट्टी करी सूटी दित्तेया जांदा ते जां से सुकी जांदा तां मणू तिसजो बटोरी करी आग्ग करी बिच फुक्की दिंदे।

इब्रानियों 6:8

पर दूए मणू तिस जमीन सांई हिन, जिस पर झिल्ल-झंकाड़ ही उगदे। से जमीन बेकार है। जे मणू तैसी जमीन सांई होणे, तिन्हा पर परमेश्वर ने इल्जाम लाणा, ते तिन्हा जो नरक री आग्ग बिच फुक्की दैणा।

यहूदा 1:12

ए मणू तुसा री मण्डली बिच प्रभु रे प्यार री यादगारी री धाम बिच शामिल हुंदे। से मणू तुसा तांइ इदेय खतरनाक हिन जिय्यां कि समुंद्र बिच लुके री टोल जहाज तांइ हुंदी जिन्हेरी वजह कने जहाज डूब्बी जांदा। से मणू बेशर्म पुहालां सांई हिन जे सिर्फ अपणी ही परवाह करदे। से इदेय बदलां सांई हिन जे हवा कने इत्ते-उत्ते उड़दे पर तिन्हा का कोई बरखा नी हुंदी। से इदेय बूट्टेयां सांई हिन जिन्हा बिच फल्ल नी लगदा ते से जड़ का ही पुट्टी दित्ते गेरे हिन, ते जिन्हेरी दोहरी मौत होए री हो।