मरकुस 11:18 - चम्बयाली नौआ नियम

¹⁸ मन्दिर बिच यीशु ने जे किच्‍छ कित्तेया थिया जां बड्डे पुरोत्तां ते शास्त्रियां ने से सूणेया तां तिन्हा जो मारणे री साजिश करणा लग्गे। से मणू यीशु जो पकड़ने का डरदे थिये किजोकी कि बाकि सारे मणू तिन्हेरे उपदेस का हैरान हुन्दे थिये।

मरकुस 11:18 ပူးပေါင်းရင်းမြစ်များ

मत्ती 21:15

पर जां बड्डे पुरोत्त ते शास्त्रियां ने इन्हा अनौखी गल्लां जो दिख्खेया जे तिन्हा ने कित्ते थिये, ते मुडेंया जो मन्दिर बिच दाऊद री सतांन री जय हो बोलदे सूणेया, तां से गुस्से होए।

मत्ती 7:28

इसेरे नतिजे ए होया कि जां यीशु ए गल्लां बोल्ली बैठ्ठे तां मणूआं जो तिन्हेरी उपदेस जो सुणी करी हैरान गई होई,

मरकुस 1:22

ते मणू यीशु रे उपदेस कने हैरान होई गे किजोकी से उन्हा जो शास्त्रियां सांई नी, पर अधिकार कने उपदेस दिंदा थिया,

मरकुस 11:32

अते जे अगर असी बोलदे “लोक्कां रे पास्से का थिया, तां लोक्कां रा खतरा है, किजोकी लोक्कां जो पूरा भरोसा थिया कि यूहन्ना भविष्यद्वक्ता थिये।”

मरकुस 12:12

तां बड्डे पुरोत्तां, शास्त्रियां ते मन्दिर रे बुजुर्गां ने यीशु जो पकड़ने री कोसीस कित्ती किजोकी से समजी गे थिये कि यीशु रे उदारण बिच से मणू दुष्ट किसान हिन पर लोक्कां रे डर कने किच्‍छ नी कित्तेया, इधेरे तांइ यीशु जो छड्डी करी चली गे।

मरकुस 3:6

फिरी फरीसी तित्ते का बाह्रर जाई करी तिस्सी बेल्ले राजा हेरोदेस रे झुण्ड रे लोक्कां कने मिली करी यीशु रे खलाफ सलाह करणा लग्गे कि से किय्यां तिन्हा जो मारी सकदे।

मरकुस 6:20

किजोकी हेरोदेस यूहन्ना जो धार्मिक ते पवित्र मणू समजी करी उस का डरदा थिया, ते तिसजो बचाई रखदा थिया ते उसेरी गल्ल सुणी करी बड़ा डरदा थिया पर खुसी कने सूणदा थिया।

लूका 19:47

इसका बाद यीशु हर रोज मन्दिर बिच उपदेस दैणे लगे पर बड्डे पुरोत्त शास्त्रियहूदी लोका रे प्रधान यीशु जो मारणे री सलाह करणा लगे

लूका 2:47

से सब जह्णे, जे कि यीशु री गल्लां सूणदे थिये, से तिन्हेरी समजदारी अते तिन्हेरे सुआलाँ का हैरान थिये

लूका 20:19

तिस्सी बेल्ले शास्त्रि अते बड्डे पुरोत्त ने कोई तिगड़म लाई करी यीशु जो पकड़ी लैणा चाह्‍ंदे थिये किजोकी से समजी गेरे थिये, कि यीशु ने से उदारण तिन्हेरे ही खिलाफ बोल्लेया पर से मणूआं का डरदे थिये।

लूका 4:22

जितणे भी मणू तित्ते थिये, तिन्हा सबणी ने तिन्हेरी बड़ाई कित्ती, ते यीशु रे मुँह का मणूआं री भलाई तांइ निकलेरी गल्लां सुणी करी, तित्ते आये रे सब मणू हैरान होई गे ते अप्पु-मिते बोलणा लगे, कै ए यूसुफ रा पुत्तर नी है?

यूहन्ना 7:1

इन्हा गल्लां रे बाद यीशु गलील प्रदेश बिच फिरदे रे, किजोकी यहूदी तिन्हा जो मारणे रा मौका थिये तोपदे, इस तांइ से यहूदियां प्रदेश बिच फिरणा नी चाह्‍ंदे थिये,

यूहन्ना 7:19

मूसा ने तुसा जो कानून दित्तेया पर तां भी तुसा बिच का कुसकी ने परमेश्वर रे कानून जो नी मन्नेया पर तुसा मेरे जो मारणे री कोसीस करेया करदे हिन।

यूहन्ना 7:46

मन्दिर रे सिपाहियां ने जवाब दित्ता, कुसकी मणू ने कदी इदेइ अनौखी गल्लां नी कित्ती।

प्रेरितां रे कम्म 24:25

जां पौलुस ने परमेश्वर री धार्मिकता, ते सबर, ते लोक्कां रा हिसाब-किताब करणे रे बारे बिच बोल्लेया करदा थिया, तां फेलिक्स ने डरी करी जवाब दित्तेया, अब्बे ता चली जा, मौक्का दिख्खी करी मैं तिज्जो फिरी सद्दी लिन्गा।