मरकुस 11:14 - चम्बयाली नौआ नियम

¹⁴ यीशु ने तिस बूट्टे कने बोल्लेया, “अवे का कोई तेरा फल्ल कदी न खाए!” अते तिन्हेरे चेल्‍ले सूणेया करदे थिये।

मरकुस 11:14 ပူးပေါင်းရင်းမြစ်များ

मत्ती 21:19

सड़क रे कनारे इक्क अंजीर रा इक्क बूट्टा दिख्खी करी तिसेरे नेड़े गे ते पत्तेयां जो छड्डी करी तिस बिच होर किच्‍छ ना पाई करी तिसजो बोल्लेया, अब्बे का तेरे बिच फिरी कदी फल्ल ना लगे ते अंजीर रा बूट्टा तिसी बेल्ले सुकी गेया।

मत्ती 21:33

इक्क होर उदारण सुणो: इक्क घर रा मालक थिया जिनिये अंगूर रा बगिचा लाया, तिसेरे चारो पास्से बाड़ा लाया, तिस बिच रस्स रा कुआँ खोदेया ते गुम्मट बणाया, ते कसानों जो तिसेरा ठेका देई करी परदेस चली गेया।

मत्ती 21:44

जे इस बट्टे पर पैगां, से चकनाचूर होई जाणा ते जिस पर से पैणा, तिसजो पीह् रखणा।

मत्ती 3:10

अवे परमेश्वर रे हिसाब-किताब रा झोंटू बूट्टे री जड़ पर रख्खे रा है, ताकि तिस मणू जो कट्टी दे जे जिस बूट्टे सांई हिन जिन्हा पर खरा फल्ल नी लगदा, से बूट्टा जड़ का बड्डी दित्तेया जाणा ते फुक्की दित्ता जाणा।

मत्ती 7:19

हर इक्क बूट्टा जे खरा फल्ल नी दिंदा, से बड्डेया अते आग्ग अन्दर पाई दित्तेया जान्दा ए।

मरकुस 11:13

यीशु ने दुर का अंजीर रे इक्क हरे बुटे जो दिख्खेया ते तिसेरे नेड़े गे ताकि खाणे तांइ अंजीर तोड़ी सकण। पर तिस बूट्टे पर पत्तेयां जो छड्डी किच्‍छ नी थिया किजोकी तिस बेल्ले फल्ल लगणे रा मौसम नी आया थिया।

मरकुस 11:15

जां यीशु ते तिन्हेरे चेल्‍ले, यरुशलेम सहर बिच हटी आये, अते से मन्दिर बिच गे, ते जे मणू मन्दिर अंदर कुर्बानी करणे तांइ जानवरां जो बेच्चेया करदे थिये तिन्हा जो मन्दिर का बाहर कड्डणा लगे, अते पैसेयां रा लैण-दैण करणे वालेयां रे पीढ़े अते कबूतर बेचणे वालेयां री चौकियां उलटेरी दित्ती,

यूहन्ना 15:6

जे कोई मेरे अंदर बणी नी रैहन्दा, तां तिसजो कट्टी करी सूटी दित्तेया जांदा ते जां से सुकी जांदा तां मणू तिसजो बटोरी करी आग्ग करी बिच फुक्की दिंदे।

2 पतरस 2:20

मणू जां मसीह जो अपणे प्रभु ते छुटकारा दैणे वाले रे रुप बिच जाणी जांदे, तां से दुनिया री दुष्टता का बची जांदे। पर अवे दुबारा से मणू गलत कम्म करणे बिच शामिल होई गेरे हीन ते से गलत कम्म अवे तिन्हा जो चलांदे। इधेरे तांइ मसीह जो नक्कारी दैणे का बाद तिन्हेरी अब्बे री हालत तिस समय का जादा बुरी है जां से मसीह जो नी जाणदे थिये।

प्रकाशित वाक्य 22:11

जे मणू बुरे ते भिठ्ठे कम्म करदे, से मणू बुरे ते भिठ्ठे कम्म करदे रैह्ण। बिल्कुल तिस्सी तरिक्के कने जे मणू ठीक ते पवित्र कम्म करदे, से मणू ठीक पवित्र कम्म करदे रैह्ण।