मरकुस 11:13 - चम्बयाली नौआ नियम

¹³ यीशु ने दुर का अंजीर रे इक्क हरे बुटे जो दिख्खेया ते तिसेरे नेड़े गे ताकि खाणे तांइ अंजीर तोड़ी सकण। पर तिस बूट्टे पर पत्तेयां जो छड्डी किच्‍छ नी थिया किजोकी तिस बेल्ले फल्ल लगणे रा मौसम नी आया थिया।

मरकुस 11:13 ပူးပေါင်းရင်းမြစ်များ

मत्ती 21:19

सड़क रे कनारे इक्क अंजीर रा इक्क बूट्टा दिख्खी करी तिसेरे नेड़े गे ते पत्तेयां जो छड्डी करी तिस बिच होर किच्‍छ ना पाई करी तिसजो बोल्लेया, अब्बे का तेरे बिच फिरी कदी फल्ल ना लगे ते अंजीर रा बूट्टा तिसी बेल्ले सुकी गेया।

मरकुस 11:12

अगले रोज जां, यीशु ते तिन्हेरे चेल्‍ले बैतनिय्याह रे कस्बे का निकलेया करदे थिये, तां तिन्हा जो भूख लग्गी।

मरकुस 11:14

यीशु ने तिस बूट्टे कने बोल्लेया, “अवे का कोई तेरा फल्ल कदी न खाए!” अते तिन्हेरे चेल्‍ले सूणेया करदे थिये।

लूका 10:31

ते इय्यां होया, कि तिस ही रस्ते का इक्क यहूदी पुरोत्त जाया करदा थिया, पर तिनिए तिसजो तड़फदा दिख्खी करी तिसका मुँह फेरी करी चली गेया ते तिस बचारे जो अण-दिख्खा करी दित्तेया