मरकुस 10:52 - चम्बयाली नौआ नियम

⁵² यीशु ने तिसजो बोल्लेया, “चली जा, तेरे विश्वास करणे री वजह तू ठीक होई गेया अते से उस्सी बेल्ले दिखणा लग्गी पेया।” अते तिन्हेरे पीछे चली पेया।

मरकुस 10:52 ပူးပေါင်းရင်းမြစ်များ

मत्ती 11:5

कि अन्ने दिखदे हिन, अते अपाहिज हंडदे फिरदे हिन, कोढ़ी सुच्चे कित्ते जाया करदे हिन, अते टौणे सूणदे हिन, मुर्दे जिंदा होया करदे हिन, अते गरीबां जो सुब बसेख सुणाया जाया करदा है।

मत्ती 12:22

फिरी मणू यीशु का इक्क अन्ने जो लियाये जे कि जह्ल्ला भी थिया किजोकी तिस बिच दुष्टात्मा थी यीशु ने तिसजो खरा करी दित्तेया, अते से अह्न्ना जह्ल्ला बोलणे अते दिखणे लग्गेया।

मत्ती 15:28

तां यीशु ने बोल्लेया, ओ जनानी, तेरा विश्वास बड्डा है, जिय्यां तू चाह्दीं, तिय्यां ही तेरे तांइ हो। तिसेरी कुड़ी तिस्सी बेल्ले ठीक होई गई।

मत्ती 21:14

तां अन्ने ते लगंड़े तिन्हेरे का मन्दिर बिच आए, ते तिन्हा ने तिन्हेरे जो ठीक कित्ता।

मत्ती 8:3

यीशु ने अपणा हत्थ बधाई करी के तिसजो छुत्तेया, अते बोल्लेया, मैं चाह्‍ंदा, तू ठीक होई जाए ते से तिस्सी बेल्ले से कोढ़ी ठीक होई गेया।

मत्ती 9:22

यीशु ने मुड़ी करी तिसजो दिख्खेया अते बोल्लेया, “कुड़िये हिम्मत रख्ख तेरे विश्वास ने तिज्जो ठीक कित्तेया ते से जनानी तिस्सी बेल्ले ठीक होई गई।”

मरकुस 1:31

तां उन्हा ने नेड़े जाई करी उसदा हत्थ पकड़ी करी तिसजो उठाया ते उसदा बुखार उतरी गेया, ते से तिन्हेरी सेवा करणा लग्गी पेई।

मरकुस 5:34

यीशु ने तिसजो बोल्लेया, “कुड़िए तेरे भरोसे ने तेरे जो ठीक कित्ता: राजी खुसी जा, ते अपणी इस बीमारी का बची रेय।”

मरकुस 8:25

तां यीशु ने दुबारा तिस अन्ने मणू री हाख्खी पर हत्थ रखे, अते अन्ने मणू ने ध्यान कने दिख्खेया। ते से मणू ठीक होई गेया, ते तिस मणू जो सब किच्‍छ साफ-साफ दिसणा लग्गेया।

लूका 7:50

पर यीशु ने तिस्स जनानी जो बोल्लेया, तेरे विश्वास दी वजह कने तू बची गई, अव्वे सांती कने घरे चली जा।

लूका 9:48

ते तिन्हा जो बोल्लेया, जे भी मेरे नां कने इस निक्के जो अपणाई लिंदा, से मेरे जो अपणाई लिंदा, ते जे मेरे जो अपणाई लिंदा, से परमेश्वर जो अपणाई लिंदा, जिन्हा ने मेरे जो भेज्जे रा है, किजोकी जे तुसा बिच सबणी का छोटा है, सेह्ई सबणी का बड्ड़ा है

यूहन्ना 9:32

दुनिया री सुरुआत का लेई अब्बे तिकर ए कदी सुनणे बिच नी आया कि कुसकी ने जन्म रे अन्ने री हाख्खियां खोल्ली होण।

यूहन्ना 9:39

तां यीशु ने बोल्लेया, मैं इस दुनिया बिच हिसाब-किताब करणे तांइ आए रा है, ताकि जे नी दिखदे से दिखण, ते जे दिखदे से अन्ने होई जाण।

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।