मरकुस 10:34 - चम्बयाली नौआ नियम

³⁴ तिन्हा मेरा हसी-मजाक उड़ाणा, मेरे पर थूकणा, मेरे जो कोड़े मारणे अते मेरे जो सजा देई करी मारी दैणा, अते तिज्जे रोज्जे मैं जिंदा होई जाणा।”

मरकुस 10:34 ပူးပေါင်းရင်းမြစ်များ

मत्ती 16:21

उस बेल्ले यीशु अपणे चेल्‍लेयां जो दस्सणा लगे, जरुरी है कि मैं यरुशलेम जो जां, ते बुजुर्ग लोक, बड्डे पुरोत्त, अते शास्त्रियां रे हत्थे बड़े दुख उठां, अते मारी दित्तेया जां, ते तिज्जे दिन जिंदा होई जां।

मत्ती 26:67

तां तिन्हा ने तिन्हेरे मुँह पर थूक्केया ते तिन्हेरे जो मुक्के मारे, दुएयां ने तिन्हेरे जो थप्पड़ मारी करी बोल्लेया।

मत्ती 27:63

ओ महाराज, असा जो याद है की तिस भरमाणे वाले ने जां से जिन्दा थिया, बोल्लेया थिया, मैं मेरे मरणे रे बाद तिज्जे दिन पर जिन्दा होई जाणा।

मरकुस 14:63

तां प्रधान पुरोत्त ने अपणे कपड़ेयां जो फाड़ी करी बोल्लेया, “अवे असा जो गवाई दैणे वालेयां री होर कोई जरुरत नी है?”

मरकुस 14:65

तां किच्‍छ लोक्कां यीशु पर थूक्की करी, ते तिन्हेरे मुँह जो ढ़की करी मुक्के मारणा सुरु करी दित्ता ते तिन्हा रा मजाक उड़ाणे तांइ तिन्हा जो बोल्लेया, “अगर तू भविष्यद्वक्ता है तां दस्स कि कुसने तिज्जो मारेया!” अते सैनिकां ने तिन्हा जो पकड़ी करी थप्पड़ मारे, ते तिन्हा जो लेई गे।

मरकुस 9:31

किजोकी से अपणे चेल्‍लेयां जो सिखाणा चाह्‍ंदे थिये। यीशु ने अपणे चेल्‍लेयां जो बोल्लेया “मणू रा पुत्तर, जे मैं ही है लोक्कां रे हत्थां पकड़ाया जाणा, अते तिन्हा ने मेरे जो मारी रखणा अते मैं मरणे रे तिज्जे रोज्जे जिंदा होई जाणा।”

लूका 23:11

हेरोदेस ने भी अपणे सपाईयां समेत तिन्हेरी बेजती कित्ती अते तिन्हेरा मजाक उड़ाया, अते यीशु जो चटकीले रांग रे कपड़े पुआई करी वापस पिलातुस का भेजी दित्ता।

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 2:10

सारे जणे पैल्ले बदिया वाला अंगूर रा रस्स दिंदे ते जिस बेल्ले मणू पी करी रजी जान्दे तां तिसका हल्का दाखरस दिंदे पर तू बदिया वाली दाखरस अब्बे तक रख्खी छड्डे रा है।

1 कुरुन्थियों 15:4

ते दब्बे गे, ते पवित्रशास्त्र रे हिसाब कने परमेश्वर ने त्रिये दिन तिन्हा जो मुर्देयां बिच का जिन्दा भी करी दित्ता,