मरकुस 10:31 - चम्बयाली नौआ नियम

³¹ पर बड़े जणे जे अब्बे बड़े खास हिन से बाद बिच खास नी रैह्णे ते जे अब्बे खास नी समजे जांदे से तिस बेल्ले खास होणे।”

मरकुस 10:31 ပူးပေါင်းရင်းမြစ်များ

मत्ती 19:30

पर मते जणे जे अब्बे पैल्ले हिन, आखरी होई जाणे अते जे आखरी हिन, से पैल्ले होई जाणे।

मत्ती 20:16

इसी तरिके कने जे पिछले हिन, पैल्ले कित्ते जाणे ते जे पैल्ले हिन, से पिछले होणे।” इसी तरिक्के कने परमेश्वर ने भी तिन्हा लोक्कां जो हिसाब-किताब रे दिन पर ईनाम दैणा जे अब्बे घट समजे जांदे।

मत्ती 21:31

इन्हा दोन्नां बिच का कुसने पिता री मर्जी पूरी कित्ती? तिन्हा ने बोल्लेया, पैल्ले मुंडे ने, यीशु ने बोल्लेया, मैं तुसा कने सच बोलदा की महसुल लैणे वाले ते वेश्या तुसा का पैल्ले स्वर्ग रे राज बिच पुजदे।

लूका 13:30

ते अज्ज जिन्हा मणूआं री बेजती करदे, तिस बेल्ले तित्ते तिन्हेरा आदर कित्तेया जाणा, ते जिन्हा जो मणूआं का अज्ज बड़ा आदर मिलेया करदा है, तिन्हा जो तिस बेल्ले बेजती कित्तेया जाणा, किजोकी जे नीच्चे हिन से उँचे कित्ते जाणे ते जे अवे उँचे हिन से निचे कित्ते जाणे।