मरकुस 10:23 - चम्बयाली नौआ नियम

²³ यीशु ने चौं पास्से दिख्खी करी अपणे चेल्‍लेयां जो बोल्लेया, “अमीर लोक्कां रा परमेश्वर रे राज बिच जाणा बड़ा जादा मुस्किल है।”

मरकुस 10:23 ပူးပေါင်းရင်းမြစ်များ

मत्ती 18:3

ते बोल्लेया, मैं तुसा कने सच बोल्दा, जां तांइ तुसा अपणे पाप्पां का तौबा करी के बच्चेयां सांई नी बणी जान्दे, स्वर्ग रे राज बिच जाई नी सकणा।

मरकुस 10:15

मैं तुसा कने सच बोलदा कि जे कोई परमेश्वर रे राज जो छोटे बच्चेयां सांई अपनादां, से ही परमेश्वर रे राज बिच जाई सकदा।

मरकुस 10:22

इस गल्ल कने तिसेरा मुँह उतरी गेया, अते से उदास होई करी चली गेया, किजोकी से बड़ा अमीर थिया।

मरकुस 3:5

यीशु ने तिन्हेरे मन री सख्ती का उदास होई करी, तिन्हा जो गुस्से कने चारो पास्से दिख्खेया, ते तिस मणू जो बोल्लेया, “अपणा हत्थ बधा।” ते तिनिये बधाया, ते उसेरा हत्थ खरा होई गेया।

मरकुस 5:32

तां यीशु ने तिसजो दिखणे तांइ जिनिए तिन्हेरे कपड़े छुए थिये, चारों पास्से नजर फेरी,

लूका 18:24

जां यीशु ने तिसजो बड़ा दुख्खी हुन्दे दिख्खया, तां से अपणे चेल्‍लेयां जो बोलणे लगे, अमीर मणू रा परमेश्वर रे राज बिच आणा बड़ा मुस्कल है!

यूहन्ना 3:5

यीशु ने जवाब दिता मैं तिज्जो सच-सच बोलदा जिस बेल्ले तक कोई मणू पाणी ते पवित्रात्मा कने न जम्मे तिस बेल्ले तिकर से परमेश्वर रे राज बिच नी जाई सकदा।

1 कुरुन्थियों 1:26

ओ संगी विश्वासियों, इसका पैल्ले कि परमेश्वर ने तुसा जो अपणे मणू बणने तांइ सद्देया थिया, जरा सोच्चो कि तुसा तिस बेल्ले कदेय थिये। इन्सानी तौर पर ता तुसा बिच जादातर मणू ना ता बड़े ज्ञानी थिये, ते ना ही ताकतवर थिये ते ना ही तुसा कुसकी बड्डे ‍खानदान का थिये।

याकूब 2:5

ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।

याकूब 4:4

ओ बेईमान लोक्कों, तुसा जाणदे कि दुनिया री चीजां कने प्यार रखणा परमेश्वर कने नफरत करणा है। अते जे दुनिया रा दोस्त होणा चाह्‍ंदा, से अपणे आप जो परमेश्वर रा दुश्मण बणादां

2 पतरस 1:11

ते परमेश्वर ने भी तुसा जो बड़ी खुसी कने स्वर्ग लेई आणा जित्ते मसीह यीशु रैह्‍न्दे, जे असा रे प्रभु ते जे असा जो छुटकारा दिंदे, ते जिन्हा ने इक्क राज्जे रे तौर पर हमेसा-हमेसा तिकर राज करणा।