मरकुस 10:20 - चम्बयाली नौआ नियम

²⁰ तिस मणू ने यीशु जो बोल्लेया, ओ गुरु, इन्हा सारी गल्लां जो तां मैं बचपन का ही का मन्नेया करदा है। इसेरे अलावा मेरे जो होर कै करणे री जरुरत है?”

मरकुस 10:20 ပူးပေါင်းရင်းမြစ်များ

मत्ती 19:20

तिस जुआन मणू ने यीशु जो बोल्लेया, इन्हा सब गल्लां जो तां मैं सच्चे मनां कने पूरा करदा ही है अवे मेरे अन्दर कुस गल्ले रा घाट्टा है?

मरकुस 10:21

यीशु ने तिस मणू जो दिख्खेया अते तिसजो दाह लाई अते तिसजो बोल्लेया, “हल्ले भी इक्क गल्ल री कमी है, जे किच्‍छ तेरा है, तिसजो बेच्ची करी गरीबां जो बंड्डी दे अते तिज्जो स्वर्ग बिच धन्न मिलणा, फिरी हटी करी मेरा चेल्ला बणने तांइ मेरे पीछे आई जा।”

लूका 10:29

पर से मणू अप्पु जो सही जताणा चाह्‍न्दा थिया, इधेरे तांइ से यीशु का फिरी पूच्छणा लग्गेया, तुसा ए दस्सो कि मेरा पड़ोसी कुण होया?

रोमियों 7:9

पैल्ले मैं मूसा रे कानून जो जाणे बगैर जिन्दा थिया, पर जां मैं मूसा रा कानून जाणेया, तां पाप ने मेरे पर काबू करणा सुरु करी लित्तेया, ते मैं परमेश्वर का बखरा होई गेया।

फिलिप्पियों 3:6

ते मेरे अंदर इन्ना जोस थिया कि मैं कलीसिया जो तंग करणे वाला मणू थिया, ते यहूदी नियमां रे हिसाब कने इक्क धार्मिक मणू थिया किजोकी मैं हर कानून जो मनदा थिया।

2 तीमुथियुस 3:5

तिन्हा ने परमेश्वर रे भक्त होणे रा ढोंग ता करणा पर तिन्हा ने परमेश्वर री ताकत जो तिन्हा जो सुधारणे नी दैणा। इदेय लोक्कां का दुर रेयो।