मरकुस 10:19 - चम्बयाली नौआ नियम

¹⁹ तू हुकमां जो तां जाणदा ही: ‘खून नी करणा, व्यभिचार नी करणा, चोरी नी करणी, झूठ्ठी गवाई नी दैणी, धोखा नी दैणा, अपणे मां-प्यो रा आदर करणा।’

मरकुस 10:19 ပူးပေါင်းရင်းမြစ်များ

मरकुस 10:18

यीशु ने तिस मणू जो बोल्लेया, “तू मेरे जो भला किजो बोलदा? परमेश्वर जो छड्डी करी कोई भला नी है।

लूका 18:20

तिज्जो परमेश्वर रे नियमां रे हुकमा रा पता ही है कि परमेश्वर रे कै हुकम हिन: व्याभिचार नी करणा, जान नी लैणी, कने चोरी नी करणी, झूठ्ठी गवाई नी दैणी, अते अपणे मां प्यो री इजज्त करणी!

रोमियों 13:9

किजोकी मूसा रे कानून बिच इदेय मते सारे हुकम हिन, जिय्यां, “व्याभिचार नी करणा, खून नी करणा, चोरी नी करणी, लालच नी करणा, ते इन्हा हुकमां रे अलावा इन्हा सारे हुकमां रा निचोड़ इस हुकम बिच है, अपणे पड़ोसी कने अप्पु बराबर प्यार रख।”

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

गलातियों 4:21

तुसा जे मूसा रे कानून रे हिसाब कने जीणा चाह्‍ंदे, मेरी इक्क गल्ल सुणो, मैं तुसा जो दसदा कि मूसा रे कानून बिच कै लिख्खे रा है।

गलातियों 5:14

किजोकी मूसा रा पूरा कानून वस इक्क ही हुकम बिच पूरा होई जांदा कि “तू अपणे गुआडीं कने अप्पु सांई प्यार रख।”

1 थिस्सलुनीकियों 4:6

कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

याकूब 2:11

इधेरे तांइ जिनिये बोल्लेया, “तू व्यभिचार मत करदा” तिनिये ही ए भी बोल्लेया, “तू हत्या मत करदा” इधेरे तांइ भले ही तू व्यभिचार नी कित्तेया पर हत्या कित्ती तां भी तैं मूसा रे कानून रा उल्घंन कित्तेया।