मरकुस 10:18 - चम्बयाली नौआ नियम

¹⁸ यीशु ने तिस मणू जो बोल्लेया, “तू मेरे जो भला किजो बोलदा? परमेश्वर जो छड्डी करी कोई भला नी है।

मरकुस 10:18 ပူးပေါင်းရင်းမြစ်များ

मत्ती 19:17

तिन्हा ने तिसजो बोल्लेया, तू मेरे का भलाई रे बारे अन्दर किजो पूच्छेया करदा है? भला तां इक्क ही है, पर जे तू जिन्दगी जो पाणा चांदा, तां हुक्मां जो मन्नेया कर।

मरकुस 10:17

जां यीशु यरुशलेम सहर तांइ निकलणे वाले थिये, तां इक्क मणू दौड़ी करी आया, अते तिन्हेरे अग्गे गोड्डे टेकी करी तिन्हा का पूछणा लगेया, “ओ भले गुरु, हमेसा री जिन्दगी रा हकदार बणने तांइ मैं कै करां?”

मरकुस 10:19

तू हुकमां जो तां जाणदा ही: ‘खून नी करणा, व्यभिचार नी करणा, चोरी नी करणी, झूठ्ठी गवाई नी दैणी, धोखा नी दैणा, अपणे मां-प्यो रा आदर करणा।’

लूका 18:19

यीशु ने बोल्लेया, तू मेरे जो उत्तम किजो है बोल्दा? सिर्फ परमेश्वर ही उत्तम है!

रोमियों 3:12

सारे मणूआं परमेश्वर रे रस्ते जो छड्डी दित्ते रा है, हर इक्क मणू निकम्मा बणी गे रा है, इक्क भी मणू खरा कम्म करणे वाला नी है, इक्क भी नी।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।

1 यूहन्ना 4:16

ते असी जाणदे ते विश्वास करदे कि परमेश्वर असा कने बड़ा जादा प्यार करदे। परमेश्वर प्यार है, जे प्यार बिच बणी रैह्न्दा, से परमेश्वर बिच बणी रैहन्दा, ते परमेश्वर तिस अन्दर बणी रैह्न्दा।

1 यूहन्ना 4:8

जे दूज्जेयां कने प्यार नी रखदा, से परमेश्वर जो नी जाणदा, किजोकी परमेश्वर प्यार है।