मरकुस 10:17 - चम्बयाली नौआ नियम

¹⁷ जां यीशु यरुशलेम सहर तांइ निकलणे वाले थिये, तां इक्क मणू दौड़ी करी आया, अते तिन्हेरे अग्गे गोड्डे टेकी करी तिन्हा का पूछणा लगेया, “ओ भले गुरु, हमेसा री जिन्दगी रा हकदार बणने तांइ मैं कै करां?”

मरकुस 10:17 ပူးပေါင်းရင်းမြစ်များ

मत्ती 17:14

जां यीशु भीड़ का वापस आये तां इक्क मणू यीशु का आया अते जानू भारे बेई करी बोलणे लग्गेया,

मत्ती 25:34

फिरी मैं अपणे सज्जे हत्थ पास्से वालेयां जो बोलणा, ओ मेरे प्यो का आशीष पाये रे लोक्कों, आओ, ते जे राज तुसा रे तांइ दुनिया रचणे का पैह्ल्ले तैयार कित्तेया गेया है उसेरे अधिकारी होई जाओ।

मत्ती 28:8

से डर अते बड़ी खुसी कने कब्र का हटी करी उसेरे चेल्‍लेयां जो सुब बसेख दैणे तांइ दौड़ी गेईयां।

मरकुस 1:40

इक्क कोढ़ी यीशु रे नेड़े आया, उस का बिनती कित्ती, ते तिन्हा रे सामणे घुटने टेकी करी उन्हा जो बोल्लेया, “जे अगर तुसा चाओ तां मेरे जो ठीक करी सकदे।”

मरकुस 10:18

यीशु ने तिस मणू जो बोल्लेया, “तू मेरे जो भला किजो बोलदा? परमेश्वर जो छड्डी करी कोई भला नी है।

मरकुस 12:14

फरीसियां ते हेरोदेस रे समुह रे लोक्कां ने आई करी यीशु जो बोल्लेया, “ओ गुरु जी, असा जो पता है कि तुसा सच्चे हिन। तुसा कुसकी रा पक्षपात नी करदे। ते तुसा परमेश्वर री गल्लां सच्चाई कने सिखांदे। अवे असा जो दस्सो कि कै सम्राट जो चुंगी दैणा चाएदी की नी?

मरकुस 9:25

जां यीशु ने दिख्खेया कि दिखणे वालेयां री भीड़ बद्देया करदी है, तां तिन्हा ने दुष्टात्मा जो ए बोल्ली करी झिड़केया, से जल्ली अते टोणी करणे वाली आत्‍मा, मैं तिज्जो हुकम दिन्दा कि इस बिच का निकली आ, अते इस बिच फिरी कदी भी मत जान्दी।

लूका 10:25

फिरी इक्क दिन जां यीशु लोक्कां जो सिखाया करदे थिये, तां शास्त्री लोक्कां बिच का इक्क जणा उठी करी यीशु जो परखणे तांइ सुआल पूच्छणा लग्गेया, कि ओ गुरु जी, मेरे जो कै करणा चह्ईंदा कि मेरे जो हमेसा री जिन्दगी मिल्ली जाओ?

यूहन्ना 3:2

तिनिये रात्ती यीशु का आई करी तिन्हा जो बोल्लेया, ओ गुरु, असी जाणदे कि परमेश्वर ने तुसा जो असी लोक्कां जो सिखाणे तांइ भेज्जे रा है, किजोकी जदेय जदेय चमत्कार तुसा दिखादें, अगर परमेश्वर तुसा रे कन्ने ना हो तां नी दिखाई सकदे।

यूहन्ना 5:39

तुसा पवित्रशास्त्र जो पढ़दे किजोकी सोचदे कि तिस बिच तुसा जो हमेसा री जिन्दगी मिलदी ते ए ही है जे मेरी गवाई दिंदा।

यूहन्ना 6:40

किजोकी मेरे “पिता” री इच्छा ए है कि जे कोई पुत्तर जो दिख्खे, कने तिस पर विश्वास रखे, से हमेसा री जिन्दगी पाये कने मैं तिसजो आखरी दिन फिरी जिन्दा करणा।

प्रेरितां रे कम्म 16:30

ते तिन्हा जो बाहर लियाई करी बोलणा लग्गेया, ओ महान मणूओं, छुटकारा पाणे तांइ मैं कै करां?

प्रेरितां रे कम्म 2:37

जां लोक्कां ने ए गल्लां सुणी तां से इदेय परेशान होई गे कि जिय्यां से गल्लां तिन्हेरे दिल रे आर-पार होई गयी होण, ते पतरस ते बाकि प्रेरितां का पूच्छणा लग्गे, ओ भाईयों, असी कै करण?

प्रेरितां रे कम्म 20:32

ते अवे मैं तुसा जो परमेश्वर, ते तिन्हेरे अनुग्रह रे वचन जो सौंपी दिन्दा जे तुसा रे विश्वास बिच तरक्की करांदा ते सारे पवित्र कित्ते रे मणूआं बिच साझ्झी करी के परमेश्वर विरासत बिच दैणा।

प्रेरितां रे कम्म 9:6

पर अवे उठी करी कस्बे बिच जा, अते जे तेरे जो करणा है से तेरे जो दस्सी दित्तेया जाणा,

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

इफिसियों 1:18

मैं ए भी प्रार्थना करदा कि से तुसा जो सच्चाई जो पूरी तरिक्के कने समजणे बिच मदद करे ताकि तुसा जाणी सको तिन्हेरे असा जो सद्दणे री आस कै है, ताकि तुसा जाणी सको कि से आशीषां किन्नी जादा महिमामय हिन जिन्हेरे दैणे रा वादा परमेश्वर ने अपणे लोक्कां कने कित्ते रा है।

तीतुस 3:7

ताकि असी तिस हमेसा री जिन्दगी जो पाणे री आस बिच रे जिस जो दैणे रा वादा परमेश्वर ने अपणे बच्चेयां कने कित्ते रा है। ते असी इस गल्ल बिच निचिंदे रेई सकदे किजोकी परमेश्वर ने अपणे अनुग्रह कने असा जो अपणी नजर बिच धार्मिक ठैहराए रा है।

इब्रानियों 1:14

तां फिरी स्वर्गदूत कै करदे? कै से सिर्फ परमेश्वर री सेवा करदे? परमेश्वर तिन्हा जो छुटकारा पाणे वाले लोक्कां री देख-रेख करणे तांइ भेजदे।

1 पतरस 1:4

असी तिस विरासत जो पाणे तांइ इंतजार करदे जे परमेश्वर ने असा तांइ तैयार कित्ते री है। कोई भी तिन्हा चीजां जो ना बर्बाद करी सकदा ते ना ही खराब करी सकदा, से ना कदी पुराणी होई सकदी ते ना ही तिन्हेरी खूबसुरती कदी घटी सकदी। परमेश्वर ने तुसा तांइ से चीजां स्वर्ग बिच रख्खे री हिन।

1 यूहन्ना 2:25

जिसेरा वादा पिता परमेश्वर ने असा कने कित्ते रा थिया से हमेसा री जिन्दगी है।