मरकुस 10:14 - चम्बयाली नौआ नियम

¹⁴ पर ए दिख्खी करी यीशु गुस्सा होई गे अते चेल्‍लेयां जो बोल्लेया, “निक्केयां जो मेरे का आणे देयो, अते तिन्हा जो मत ठाक्को, किजोकी परमेश्वर रा राज इदेय जणेया रा ही है।

मरकुस 10:14 ပူးပေါင်းရင်းမြစ်များ

मत्ती 18:10

इधेरे तांइ दिख्खो, तुसा इन्हा मेरे भोले बच्चेयां बिच का कुसकी जो भी छोटा मत समजदे, किजोकी मैं तुसा जो बोल्दा, कि स्वर्ग बिच दूत मेरे स्वर्गीय पिता रे सामणे हाजिर रैहन्दे।

मत्ती 18:4

जे कोई अपणे आप जो इस निक्के रे बराबर निम्मता करगा, तिनिये स्वर्ग राज बिच बड्डा होणा।

मत्ती 19:14

यीशु ने बोल्लेया, निके-निकेयाँ जो मेरे का आणा देयो, इन्हा जो मत रोको, किजोकी स्वर्ग रा राज इदेयां रा ही है।

मत्ती 5:10

धन्न हिन से, जिन्हा जो धार्मिकता री जिन्दगी जीणे री वजह कने तंग कित्तेया जांदा, किजोकी स्वर्ग रा राज तिन्हेरा ही है।”

मत्ती 5:3

“धन्न हिन से, जे जाणदे कि तिन्हा जो परमेश्वर री जरुरत है, किजोकी स्वर्ग रा राज तिन्हेरा ही है।

मरकुस 3:5

यीशु ने तिन्हेरे मन री सख्ती का उदास होई करी, तिन्हा जो गुस्से कने चारो पास्से दिख्खेया, ते तिस मणू जो बोल्लेया, “अपणा हत्थ बधा।” ते तिनिये बधाया, ते उसेरा हत्थ खरा होई गेया।

मरकुस 8:33

पर यीशु ने मुड़ी करी अपणे चेल्‍लेयां पास्से दिख्खेया, अते पतरस जो झिड़की करी बोल्लेया, से शैतान, मेरे सामणे का दुर होई जा; “तू परमेश्वर री गल्लां पर नी, पर मणूआं री गलां पर मन लांदा।”

यूहन्ना 3:3

यीशु ने तिसजो जवाब दित्ता मैं तुसा कने सच्ची-सच्ची बोलदा जे अगर कोई नौए सिरे का नी जम्मे तां परमेश्वर रे राज जो नी दिख्खी सकदा।

यूहन्ना 3:5

यीशु ने जवाब दिता मैं तिज्जो सच-सच बोलदा जिस बेल्ले तक कोई मणू पाणी ते पवित्रात्मा कने न जम्मे तिस बेल्ले तिकर से परमेश्वर रे राज बिच नी जाई सकदा।

प्रेरितां रे कम्म 2:39

किजोकी ए वादा तुसा तांइ, तुसा री औलादां तांइ, ते उन्हा सारे दुर-दुर रे लोक्कां तांइ भी है जिन्हा जो असा रे प्रभु परमेश्वर अपणे नेड़े सदगा।

प्रेरितां रे कम्म 3:25

तुसा सारे भविष्यद्वक्ता री औलादां ते तिस वादे रे हिस्सेदार हो, जे परमेश्वर ने तुसा रे पूरखां कने कित्ता, जां तिन्हा ने अब्राहम कने बोल्लेया, तेरे ‍खानदान रे वजह कने दुनिया रे सारे घरां जो आशीष मिलणी।

रोमियों 11:16

जां भेंट रा पैल्ला पेड़ा परमेश्वर जो चढ़ाणे री वजह कने पवित्र ठैहरेया, तां पूरा गुन्नेरा आटा भी पवित्र है। ते जे अगर जड़ पवित्र ठैहरी, तां डाल भी पवित्र हिन।

रोमियों 11:28

यहूदी मणू परमेश्वर रे दुश्मण बणी गे, किजोकी से मणू सुब बसेख पर विश्वास नी करणा चाह्‍ंदे, ते से तुसा तांइ फायदे री गल्ल बणी गे री है। पर परमेश्वर तिन्हा कने प्यार करदे किजोकी तिन्हा ने तिन्हा लोक्कां जो अप्पु तांइ चुणे रा है। परमेश्वर ने तिन्हेरे पूरखां कने इसी गल्ल रा वादा कित्तेया थिया।

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

1 कुरुन्थियों 7:14

किजोकी परमेश्वर तिस जनानी रे अविश्वासी लाड़े जो अपणे ही लोक्कां सांई समजदे किजोकी तिसेरी लाड़ी विश्वासी है। ते परमेश्वर तिस मणू री लाड़ी जो अपणे ही लोक्कां सांई समजदे किजोकी तिस जनानी रा लाड़ा विश्वासी है। जे अगर ए सच नी हुंदा तां तुसा रे बच्चे नाजायज़ होणे थिये, पर परमेश्वर तिन्हा जो जायज़ रे रुप बिच अपणांदे।

इफिसियों 4:26

जे अगर तुसा गुस्सा भी होई जांदे ता ध्यान रख्खो कि कोई पाप ना करो, ते ध्यान रख्खो कि रात्ती सोणे का पैल्ले-पैल्ले ही अपणे गुस्से जो सांत करी लेया करो।

2 तीमुथियुस 1:5

हल्ले भी मेरे जो तुसा री मां युनीके रा मसीह बिच सच्चा विश्वास याद है। मसीह बिच तुसा री नानी लोइस रा विश्वास भी तदेया ही थिया, ते मेरे जो पक्के तौर पर पता है कि तुसा बिच भी तैसा ही विश्वास है।

2 तीमुथियुस 3:15

तू बचपन का ही पवित्रशास्त्र बिच लिख्खे री गल्लां जो जाणदा, जे तेरे जो समझ देई सकदे कि तू मसीह बिच विश्वास करे ते छुटकारा पाए।

1 पतरस 2:2

जिय्यां कि नौए जम्मे रे बच्चे अपणी मां रे दूद्द जो तोपदे, जे कि इक्कदम खरा हुंदा, तिय्यां ही तुसा जो भी परमेश्वर रे वचन जो सिखणी री चाह्‍त रखणा चाएदी ताकि तुसा आत्मिक तौर पर परिपक्व होई जाओ। तां फिरी आखिर बिच, परमेश्वर ने तुसा जो इस दुनिया री बुरी चीजां का बचाणा।

प्रकाशित वाक्य 14:5

ते तिन्हा ने कदी भी झूठ नी बोल्लेया, से बेकसूर मणू हिन।