मरकुस 10:11 - चम्बयाली नौआ नियम

¹¹ यीशु ने चेल्‍लेयां जो बोल्लेया, “जे कोई आदमी अपणी लाड़ी जो छड्डी करी दूज्जी कने ब्याह करदा तां से पैल्ली रे खलाफ व्यभिचार करदा।”

मरकुस 10:11 ပူးပေါင်းရင်းမြစ်များ

मत्ती 19:9

अते मैं तुसा जो बोलदा, कि जे भी मणू अपणी लाड़ी जो व्यभिचार जो छड्डी करी कुसकी होरसी वजह कने तलाक दिंगा ते दूज्जी लाड़ी ब्याह्ई लिन्गा, से व्याभिचार करदा ते जे तिस छड्डे री जनानी कने ब्याह् करगा, तिस तांइ से भी व्याभिचार ही होणा है।

मरकुस 10:10

फिरी यीशु जां घरे हटी आये तां चेल्‍लेयां ने इसेरे बारे तिन्हा का फिरी पूच्छेया।

लूका 16:18

जे कोई अपणी लाड़ी जो तलाक देई करी छड्डी दिन्दा ते कुसकी दूज्जी जनानी कने ब्याह करदा तां ए व्याभिचार मन्नेया जान्दा। अते जे कुसकी तलाक दित्ते री जनानी कने ब्याह करी लिन्दा, से भी व्याभिचार ही करदा।

रोमियों 7:3

इधेरे तांइ जे अगर से जनानी अपणे लाड़े रे जिन्दे-जी, कुसकी होर कने ब्याह करी लै तां से व्यभिचार करदी। पर जां तिसेरा लाड़ा मरी जाए, तां से तिस कानून का छुटी जांदी, ते कुसकी होर कने ब्याह करणे पर व्यभिचार नी करदी।

1 कुरुन्थियों 7:4

लाड़ी जो अपणे सरीर पर हक्क नी पर तिसेरे लाड़े रा हक्क है, तिय्यां ही लाड़े रा भी अपणे सरीर पर हक्क नी, पर तिसेरी लाड़ी रा है।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।