मरकुस 10:1 - चम्बयाली नौआ नियम

¹ फिरी यीशु कफरनहूम कस्बे का उठी करी यहूदियां जिले री सीमा का टप्पी करी यरदन नदी रे पार इक्क जगाह् पर गे। भीड़ फिरी तिन्हेरे का जमा होई गई, अते से हमेसा सांई तिन्हा जो उपदेस दैणे लगे।

मरकुस 10:1 ပူးပေါင်းရင်းမြစ်များ

मत्ती 26:55

तिस बेल्ले यीशु ने भीड़ जो बोल्लेया, कै तुसा तलवारां ते लाठियां लेई करी मेरे जो डाकू सांई पकड़ने तांइ निकले रे हिन? मैं हर रोज मन्दिर बिच बेई करी उपदेस देया करदा थिया ते तुसा मेरे जो नी पकड़ेया।

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मरकुस 1:21

तां यीशु ते तिन्हेरे चेल्‍ले कफरनहूम कस्बा बिच आए, ते से तिस्सी बेल्ले विश्राम दिन सभास्थल बिच जाई करी उपदेस दैणा लग्गेया।

मरकुस 10:2

तां फरीसी लोक्कां ने यीशु का आई करी तिन्हा जो परखणे तांइ तिन्हा का पूच्छेया, “कै ए ठीक है कि मड़द अपणी लाड़ी जो तलाक दे?”

मरकुस 12:35

फिरी यीशु ने मन्दिर अन्दर उपदेस दिन्दे बेल्ले बोल्लेया, “शास्त्रि मणू किय्यां बोल्दे कि मसीह दाऊद रा पुत्तर है?

मरकुस 14:49

मैं ता हर रोज मन्दिर अन्दर तुसा कने रेई करी उपदेस दिन्दा थिया, ते तां तुसा ने मेरे जो नी पकड़ेया: पर ए इधेरे तांइ होया कि पवित्रशास्त्र री गल्लां पूरी होण जे मेरे बारे बिच लिख्खे री हिन।”

मरकुस 2:13

से फिरी निकली करी गलीली समुन्द्र रे कनारे गेया, ते सारी भीड़ उस का आई, ते यीशु उन्हा जो उपदेस दैणे लग्गेया।

मरकुस 4:2

ते से उन्हा जो उदारणा बिच मती सारी गल्लां सिखाणा लग्गेया, ते अपणे उपदेस बिच उन्हा जो बोल्लेया,

मरकुस 6:2

विश्राम दिन से सभास्थल बिच उपदेस दैणे लग्गेया, ते मते सारे मणू सुणी करी हैरान होए। मणू बोलणा लग्गे, “इसजो इदेयी समझ ते चमत्कार करणे री ताकत कुते का मिल्ली?”

मरकुस 6:34

यीशु ने उतरी करी बड्डी भीड़ दिख्खी, ते तिन्हा पर तरस खाया, किजोकी से तिन्हा भेड़ां सांई थियां, जिन्हेरा कोई रखवाला ना हो, ते से तिन्हा लोक्कां जो मती सारी गल्लां सिखाणा लग्गी पेय।

मरकुस 6:6

ते यीशु जो तिन्हा लोक्कां रे घट विश्वास पर हरानी होई, ते से चारो पास्से रे ग्रां बिच भाषण दिंदा फिरदा रेया।

यूहन्ना 10:40

फिरी यीशु यरदन नदी रे पार तिस जगाह् पर चली गे जित्ते यूहन्ना पैल्ले बपतिस्मा दिंदा थिया, ते उत्ते ही रे।

यूहन्ना 11:7

इसेरे बाद तिनिये चेल्‍लेयां जो बोल्लेया, आओ, असी फिरी यहूदियां प्रदेश जो चलदे।

यूहन्ना 18:20

यीशु ने तिसजो जवाब दित्तेया, मैं हमेसा लोक्कां रे सामणे खुली करी गल्ल कित्ती, मैं हमेसा सभास्थल बिच अते मन्दिर बिच, जित्ते सारे यहूदी इकट्ठा हुन्दे उपदेस दित्ती है मैं किच्‍छ भी लुकाई करी नी बोल्लेया