मरकुस 1:8 - चम्बयाली नौआ नियम

⁸ मैं तां तुसा जो पाणी कने बपतिस्मा दित्तेया पर उन्ने तुसा जो पवित्रात्मा कने बपतिस्मा दैणा।”

मरकुस 1:8 ပူးပေါင်းရင်းမြစ်များ

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

मरकुस 1:7

ते ए प्रचार करदा थिया, “मेरे बाद से आणे वाला है जे मेरे का भी शक्तिसाली है, मैं इस जोग्गे भी नी कि इक्क गुलाम रे तौर पर भी निठ्ठे होई करी तिन्हेरे जूत्ते री डोरी खोल्ली सकां।

मरकुस 1:9

तिन्हा दिना बिच यीशु ने गलील प्रदेश रे नासरत कस्बे का आई करी यरदन नदी बिच यूहन्ना का बपतिस्मा लित्तेया।

लूका 3:16

तां यूहन्ना ने तिन्हा सबणी मणूआं जो ए जवाब दित्ता, कि मैं तां तुसा जो सिर्फ पाणी कने ही बपतिस्मा दिन्दा, पर जे आणे वाला है, से तां मेरे का भी जादा सक्तसाली है, मैं तां इस जोग्गा भी नी है, कि तिन्हेरे जूत्ते रे तस्मे जो भी खोल्ली सकां, तिन्हा ने तां आग्ग ते पवित्रात्मा कने बपतिस्मा दैणा।

यूहन्ना 1:26

यूहन्ना ने तिन्हा जो जवाब दित्ता, मैं ता पाणी कने बपतिस्मा दिंदा पर तुसा रे बिच इक्क इदेया मणू खडिते रा है तिसजो तुसा नी जाणदे।

यूहन्ना 1:33

मैं तां तिसजो पछियाणदा नी कि से मसीह हिन, पर जिस ने मेरे जो पाणी रा बपतिस्मा दैणे जो भेज्जेया तिसी ने मेरे जो बोल्लेया, जिस पराले तू आत्‍मा जो उतरदे कने रुकदे दिख्खेया से ही पवित्रात्मा कने बपतिस्मा दैणे वाला है।

प्रेरितां रे कम्म 1:5

किजोकी यूहन्ना ने तां पाणी बिच बपतिस्मा दित्ते रा है पर थोड़े रोज्जां बाद तुसा जो पवित्रात्मा रा बपतिस्मा मिलणा।

प्रेरितां रे कम्म 10:45

ते जितणे लोक्कां रा खतना होये रा थिया जे पतरस कने आये थिये, से सब हैरान होई गे कि गैर यहूदियां पर भी पवित्रात्मा रा दान दित्तेया गेया।

प्रेरितां रे कम्म 2:17

परमेश्वर बोलदे, “आखरी दिनां बिच इय्यां होणा कि मैं अपणा आत्‍मा सारे लोक्कां जो दैणा, ते तुसा रे मुडें ते तुसा री कुड़ियां ने भविष्यवाणी करणी, ते तुसा रे जवान्नां ने दर्शन दिखणे, ते तुसा रे बुजुर्ग मणू ने सुपने दिखणे

प्रेरितां रे कम्म 2:4

से सारे पवित्रात्मा बिच भरी गे, ते जिय्यां पवित्रात्मा ने तिन्हा जो बोलणे री ताकत दित्ती, से बखरी-बखरी भाषा बिच बोलणा लग्गे।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।