मरकुस 1:7 - चम्बयाली नौआ नियम

⁷ ते ए प्रचार करदा थिया, “मेरे बाद से आणे वाला है जे मेरे का भी शक्तिसाली है, मैं इस जोग्गे भी नी कि इक्क गुलाम रे तौर पर भी निठ्ठे होई करी तिन्हेरे जूत्ते री डोरी खोल्ली सकां।

मरकुस 1:7 ပူးပေါင်းရင်းမြစ်များ

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

मत्ती 3:14

पर यूहन्ना ए बोल्ली करी तिन्हा जो रोकणा लग्गेया कि, “मेरे जो ता तुसा का बपतिस्मा लैणे री जरुरत है।” अते तुसा मेरे का आये?

मरकुस 1:6

यूहन्ना ऊँट रे बालां रे बणे रे कपड़े पाई करी ते कमर बिच चमड़े रा कमरबंद बन्नी करी रखदा थिया ते टिड्डियां कने जगंली शहद खादां थिया,

मरकुस 1:8

मैं तां तुसा जो पाणी कने बपतिस्मा दित्तेया पर उन्ने तुसा जो पवित्रात्मा कने बपतिस्मा दैणा।”

लूका 3:16

तां यूहन्ना ने तिन्हा सबणी मणूआं जो ए जवाब दित्ता, कि मैं तां तुसा जो सिर्फ पाणी कने ही बपतिस्मा दिन्दा, पर जे आणे वाला है, से तां मेरे का भी जादा सक्तसाली है, मैं तां इस जोग्गा भी नी है, कि तिन्हेरे जूत्ते रे तस्मे जो भी खोल्ली सकां, तिन्हा ने तां आग्ग ते पवित्रात्मा कने बपतिस्मा दैणा।

यूहन्ना 1:27

जे मेरे बाद आणे वाले है मैं तां तिसेरी जूत्ते रे तसमे खोलणे रे जोग्गा भी नी है

प्रेरितां रे कम्म 13:25

ते जां यूहन्ना अपणी सेवा पूरी करणे वाला थिया, तां तिन्ने बोल्लेया, तुसा मेरे जो कै समजदे? मैं मसीह नी है! पर मेरे बाद इक्क आणे वाला है, से मेरे का इन्ने जादा महान हिन कि मैं तिन्हेरे पैरां री मैं जूत्ती खोलणे रे लायक भी नी है।

प्रेरितां रे कम्म 19:4

पौलुस ने बोल्लेया, यूहन्ना ने तिन्हा लोक्कां जो ही बपतिस्मा दित्ता जिन्हा ने पाप्पां का तौबा कित्तेया, पर तिनिये ए बोल्लेया कि जे मेरे का बाद आणे वाला है, तिस पर मतलब यीशु पर विश्वास करेयो जे मसीह हिन।